ايماقتار • 07 اقپان، 2019

اقادىردىڭ اۋرۋحاناسىنا 55 ميلليون تەڭگەنىڭ كومەگى جاسالدى

243 رەت كورسەتىلدى

قاراعاندى وبلىسىنىڭ شەت اۋدانىنىنا قاراستى اقادىر كەنتىندەگى اۋرۋحانا مەديتسينالىق زاماناۋي جابدىقتارمەن جانە رەانيموبيلمەن قامتاماسىز ەتىلدى.

بۇل يگىلىكتى ءىستى «رۋحاني جاڭعىرۋ» باعدارلاماسى اسىندا بولات وتەمۇراتوۆتىڭ قورى جانە اقادىر ءوڭىرىنىڭ تۋماسى نۇرلان سماعۇلوۆ باسقاراتىن «استانا گرۋپپ» كومپانياسى جۇزەگە اسىردى. جومارت جاندار ۇسىنعان 55 ميلليون تەڭگە قارجىعا ارنايى مەديتسينالىق اۆتوموبيل، كان تالداماسىن جاسايتىن اۆتوماتتى بيوحيميالىق اناليزاتور، فەتالدى مونيتور، نارەستەلەرگە ارنالعان فوتوتەراپيا اپپاراتى جانە حيرۋرگيالىق جابدىق ساتىپ الىندى.

ەندى كەنت اۋرۋحاناسىنىڭ ماماندارى 12 ءتۇرلى قان تالداۋىن جاساي الاتىن بولدى. ال فەتالدى مونيتور اناسىنىڭ جاتىرىندا جاتقان نارەستەنىڭ جۇرەك قاعىسىن تىڭداۋعا مۇمكىندىك بەرەدى. جاڭا تۋعان سابيلەرگە ارنالعان فوتوتەراپيا گيپەربيليرۋبينەميانى ەمدەۋدەگى كونسەرۆاتورلىق ءادىس رەتىندە قولدانىلادى.

– جاڭا جابدىقتاردىڭ ارقاسىندا ءبىز ەندى 11 ءتۇرلى وتا جاساي الامىز. زاماناۋي تەحنيكا بىزگە جانە ەمدەلۋشىلەرگە ۇلكەن كومەگىن تيگىزەدى. بۇدان بىلاي كەنت تۇرعىندارى ساراپتامادان ءوتۋ ءۇشىن اۋدان ورتالىعىنا نەمەسە قالاعا سابىلمايتىن بولدى، – دەيدى اقادىر كەنتى اۋرۋحاناسىنىڭ باس دارىگەرى ەسەنجول جازىباەۆ.

دارىگەرلەر مەن جەرگىلىكتى تۇرعىنداردى ەرەكشە قۋانىشقا بولەگەن باستى سىيلىق رەانيموبيل بولدى. ەندى مەديكتەر قاجەتتى شۇعىل كومەكتى تەك اقادىر كەنتىنىڭ عانا ەمەس، سونىمەن قاتار جاقىن ماڭداعى جۇمىسكەر، قايراقتى، كوكتىنكول جانە وسپەن اۋىلدارىنىڭ تۇرعىندارىنا دا كورسەتە الادى.

شەت اۋدانىنىڭ اكىمدىگى مەن وبلىستىق دەنساۋلىق ساقتاۋ باسقارماسى دەمەۋشىلىك كورسەتكەن جومارت جاندارعا دەگەن العىستارىن حات ارقىلى جەتكىزدى.

قايرات ءابىلدا،

«ەگەمەن قازاقستان»

قاراعاندى وبلىسى

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ۇقساس جاڭالىقتار