تەاتر • 07 اقپان، 2019

قوستانايلىقتار «ۇيلەنۋ» قويىلىمىن تاماشالادى

269 رەتكورسەتىلدى

گوگولدىڭ كورەرمەنىن كۇلكىگە كومىپ، كۇلدىرە وتىرىپ «كۇيدىرەتىن» «ۇيلەنۋىن» تانىستىرىپ جاتۋ ارتىق. قوعامنىڭ كەلبەتىن اجۋامەن اشكەرەلەگەن شىعارمانىڭ قۇدىرەتى – قانشا رەت قويىلسا دا، حالىقتى جالىقتىرعان ەمەس. ونىڭ سەبەبى، تۋىندى نىساناعا العان تاقىرىپتىڭ ماڭىزدىلىعىندا.

بارشانى ىنتىق ەتكەن وسىناۋ سپەكتاكلدى ءى.وماروۆ اتىنداعى قوستاناي وبلىستىق قازاق دراما تەاترى دا ساحنالادى. رەجيسسەرى - تەاتردىڭ كوركەمدىك جەتەكشىسى ءاليا بايماحان. تانىس تا بەيتانىس «ۇيلەنۋ» قوستانايلىق ونەرپازداردىڭ سومداۋىندا مۇلدەم جاڭاشا قىرىنان جارقىرايدى. «گوگول شىعارماسى ارقىلى ۇجىم كاسىبي تۇرعىدا جوعارىلاعانىن كورسەتتى. تىڭنان تۇرەن سالعان. وبلىس تەاترى تانىماستاي وزگەرگەن، بيىكتەي تۇسكەن» دەيدى قويىلىمدى تاماشالاعاندار.

كورەرمەننىڭ ىستىق ىقىلاسىنا بولەنگەن «ۇيلەنۋ» كەزەكتەن تىس ەل نازارىنا ۇسىنىلدى. سەبەبى، قويىلىمدا وينايتىن قوس بىردەي ونەرپازدىڭ تۋعان كۇنى. فارس جانرىندا ساحنالانعان شىعارماعا حالىق كوپ جينالدى. كوپەس قىزى اگافيا تيحونوۆنانىڭ اينالاسىندا ءوربيتىن قيلى-قيلى تاعدىر، ءتۇرلى-ءتۇرلى وقيعانى كورسەتۋ ارقىلى وي سالعان تۋىندى ءبىر جارىم ساعات بويى ەزۋ جيدىرمادى.

كەش سوڭىندا قوستاناي وبلىستىق مادەنيەت باسقارماسىنىڭ باسشىسى ەرلان قالماقوۆ تۋعان كۇن يەلەرى - جىبەك ۇسەنوۆا (دۋنياشا) مەن تولەندى العوجيندەردى (كوچكارەۆ) قۇتتىقتاپ، ونەردەگى ساپارىنا ساتتىلىك تىلەدى.

«ەلباسى بيىل جاستار جىلىن جاريالادى. قوستاناي تەاترىندا جاڭاشىل بۋىننىڭ ءوسىپ كەلە جاتقانى قۋانتادى. ونەرلى جاستاردى ارقاشاندا قولداۋعا ءازىرمىز. ولاردىڭ مۇمكىندىكتەرىن اشۋعا بارىنشا جاعداي جاسالادى. گوگول شىعارماسىنىڭ توبىلدا قويىلۋى - ءوڭىردىڭ مادەني ومىرىندەگى ەلەۋلى وقيعا» دەپ اتاپ ءوتتى ەرلان بولات ۇلى.

«ۇيلەنۋ» تەاتر رەپەرتۋاردا تۇراقتى تۇردە كورسەتىلەدى. تۋىندىنىڭ ايتارى قاي زاماندا دا ماڭىزدى. جار تاڭداۋدا قاتەلەسپەي، وتباسى قۇرىپ، ءسابي ءسۇيۋ - ءومىردىڭ باستى ءمانى. وسىناۋ باستى قۇندىلىقتى بايلىق، ماپساپ، قىزمەتپەن شاتاستىرعانداردى شەنەيدى. ال قوستاناي تەاترىنداعى قويىلىمنىڭ ساحنالانۋى، رەجيسسەرلىك شەشىمى، ارتىستەردىڭ شەبەرلىگى ءوز الدىنا بولەك اڭگىمە.

قىسقاسى، ايگىلى شىعارمانى كورۋ كەرەك، ول ءۇشىن تەاترعا بارۋ كەرەك.

سونداي-اق، تەاتردىڭ جاڭا قىزمەتكەرى كوپشىلىك الدىندا تانىستىرىلدى. ول - ادەبيەت ءبولىمىنىڭ مەڭگەرۋشىسى ابىلاي ماۋدانوۆ. ايتا كەتۋ كەرەك، ونىڭ «ابدىعاپار» تاريحي دراماسى تاياۋدا «نۇر وتان» پارتياسىنىڭ ۇيىمداستىرۋىمەن وتكەن « ۇلى دالا» رەسپۋبليكالىق شىعارماشىلىق كونكۋرسىندا «دراماتۋرگيا، كوركەم فيلم مەن تەلەسەريال ستسەناريى» نوميناتسياسى بويىنشا جۇلدەلى ءىىى ورىندى جەڭىپ العان بولاتىن.

سوڭعى جاڭالىقتار

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

تاسقىننىڭ بۇگىنگى احۋالى

ايماقتار • بۇگىن، 15:42

سالەحاردتان كەلگەن تسيكلون

ايماقتار • بۇگىن، 15:30

ەلوردادا جالپى جاعداي تۇراقتى

كوروناۆيرۋس • بۇگىن، 14:50

فۋتبول ماۋسىمى جالعاسا ما؟

سپورت • بۇگىن، 14:48

ۇقساس جاڭالىقتار