«التىن توبىلعى» بايقاۋىنىڭ جەڭىمپازدارى انىقتالدى

ادەبيەت • 05 جەلتوقسان، 2018

«التىن توبىلعى» بايقاۋىنىڭ جەڭىمپازدارى انىقتالدى

1199 رەت كورسەتىلدى

نازارباەۆ ورتالىعىندا «التىن توبىلعى» رەسپۋبليكالىق ادەبي بايقاۋى قورىتىندىلاندى. وعان ءتۇرلى جانردا قالام تەربەپ جۇرگەن 18 بەن 35 جاس ارالىعىنداعى قالامگەرلەر قاتىستى.

Baǵashar TURSYNBAIULY

تۇڭعىش پرەزيدەنتى – ەلباسىنىڭ قورى جاس ادەبيەتشىلەردىڭ ەڭبەگىنە وسىمەن ءتورتىنشى رەت قولداۋ كورسەتتى. جىلدان جىلعا بايقاۋعا دەگەن قىزىعۋشىلىق ارتىپ كەلەدى.

بيىلعى بايگەگە ەلدىڭ تۇكپىر-تۇكپىرىنەن 108 شىعارما جىبەرىلدى. جەڭىمپازدار «جىلدىڭ ۇزدىك پروزاسى»، «جىلدىڭ ۇزدىك پوەزياسى»، «جىلدىڭ بالالارعا ارنالعان ۇزدىك شىعارماسى»، «جىلدىڭ ۇزدىك دراماتۋرگياسى» ءداستۇرلى اتالىمدار بويىنشا بەلگىلەندى. ءار نوميناتسيا بويىنشا سىياقى قورى 1 ميلليون تەڭگەنى قۇرايدى.

سونىمەن قاتار بايقاۋ استانانىڭ مەرەيتويىنا ارنالعان «استانانىڭ 20 جىلدىعى» تاقىرىبىنا ارنالعان ۇزدىك ادەبي تۋىندى» ارنايى اتالىممەن تولىقتى. ونىڭ جۇلدە قورى 1،5 ميلليون تەڭگە.

ماراپاتتاۋ راسىمىنە قر پارلامەنتىنىڭ دەپۋتاتتارى، بەلگىلى قوعامدىق، مادەنيەت، ونەر قايراتكەرلەرى، سونداي-اق وقىتۋشىلار مەن جوعارى وقۋ ورىندارىنىڭ «جۋرناليستيكا» فاكۋلتەتتەرىنىڭ ستۋدەنتتەرى قاتىستى.

بايقاۋدىڭ ماڭىزدىلىعى مەن قازاق ادەبيەتىن دامىتۋعا قوساتىن ۇلەسىنە توقتالعان تۇڭعىش پرەزيدەنت قورىنىڭ اتقارۋشى ديرەكتورى قانات جۇماباەۆ: «جىل سايىن «التىن توبىلعى» بايقاۋى بىزگە قازاقستاندىق جاڭا اقىندار مەن جازۋشىلاردى تانىتادى. بۇل ءوز كەزەگىندە جاستار مەن قوعام اراسىندا قازىرگى زامانعى ادەبيەتتى وقۋعا ىنتالاندىرۋعا، جاڭا بۋىن اۆتورلارىنىڭ جارقىن وكىلدەرىن انىقتاۋعا ىقپال ەتەدى. ءبىز باستى قۇندىلىق دەپ وسىنى سانايمىز»، - دەدى.

ۇسىنىلعان جۇمىستار – ادامدار اراسىنداعى قارىم-قاتىناس، ولاردىڭ ءىس-ارەكەتتەرى، ۇلتتىق بولمىس پەن ەل دامۋى تۋرالى سىر شەرتەتىن شىنايى نەمەسە ويدان شىعارىلعان وقيعالار.

«بايقاۋ اتالىمدارى بەلگىلى ءبىر دارەجەدە ەلباسىنىڭ « ۇلى دالانىڭ جەتى قىرى» ماقالاسىندا ايتىلعان حالقىمىزدىڭ رۋحاني قۇندىلىقتارىن ايشىقتايدى. سول سەبەپتى ۇلتىق مادەنيەتتى، تاريحتى جانە ەل جەتىستىكتەرىنە ارنالعان شىعارماشىلىق جۇمىستاردى بىرىكتىرىپ، جاڭا اتالىمدى قوسۋ مۇمكىندىگى قاراستىرىلۋدا»، - دەدى قانات جۇماباەۆ.

«جىلدىڭ ۇزدىك پروزاسى» اتالىمىندا «اداسقاندار» شىعارماسىمەن ايزات راقىشەۆا ۇزدىك شىقتى. «جىلدىڭ ۇزدىك پوەزياسى» اتالىمى بويىنشا قايسار قاۋىمبەك («كۇڭىرەنبە، مولالار») جانە ايبول يسلامعاليەۆ («جالعىزدىق كارتيناسى») قاتار جەڭىمپاز اتاندى. «جىلدىڭ بالالارعا ارنالعان ۇزدىك شىعارماسى» اتالىمىندا الينا گاتينا جەڭىمپاز بولدى. «استانانىڭ 20 جىلدىعى» تاقىرىبىنا ارنالعان ۇزدىك ادەبي تۋىندى» اتالىمىنىڭ يەگەرى بولىپ تالاپ شەرحان («استانا بوياۋلارى») تانىلدى.

بيىلعى جىلى «جىلدىڭ ۇزدىك دراماتۋرگياسى» اتالىمى بويىنشا ۇسىنىلعان جۇمىستاردىڭ قويىلعان تالاپتارعا ساي كەلمەۋىنە بايلانىستى، جەڭىمپاز انىقتالعان جوق.

سونداي-اق «جىلدىڭ ۇزدىك پروزاسى» اتالىمى بويىنشا تۇرسىنبەك باشاروۆقا («چيريمە») جانە «جىلدىڭ بالالارعا ارنالعان ۇزدىك شىعارماسى» اتالىمىندا اقان مارعۇلانعا («جەتىقاراقشى») كوتەرمەلەۋ سىياقىسى رەتىندە 500 مىڭ تەڭگەدەن بەرىلدى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز