ايماقتار • 05 قىركۇيەك، 2018

تۇركىستاندا جومارت جۇرەكتى ازاماتتار ماراپاتتالدى

319 رەتكورسەتىلدى

تۇركىستان قالالىق اكىمدىگىنىڭ ۇيىمداستىرۋىمەن ەلىنە جا­سا­عان ەڭبەگى ەرەن جەرگىلىكتى ازا­مات­­­­­تارعا «اتامەكەن» كىشى باع­دار­لا­ماسى اياسىندا «جومارت جۇ­رەك» سىيلىعىنىڭ اتالىمدارى بو­يىنشا ەرەكشە قۇرمەت كورسەتىلدى.

ەلباسى «بولاشاققا باعدار: رۋحاني جاڭعىرۋ» ماقالاسىندا «تۋعان جەر» باعدارلاماسىن ۇسىنىپ، ونى تاياۋ جىلدارداعى مىن­دەت­تەردىڭ ءبىرى رەتىندە اتاعان بولاتىن. حالىقتى رۋحاني جاڭ­عىرۋعا جەتەلەگەن، رۋحىن كوتەر­گەن، ەلىنە دەگەن پاتريوتتىق سەزى­مىن ارتتىرعان قۇندى قۇجاتتا اي­تىلعان ماڭىزدى باستامالار بۇگىندە ناتيجەلى جۇ­­­­زە­گە اسى­رىلىپ كەلەدى. جەرگىلىكتى قو­عام­­نىڭ ماسەلەلەرىن شەشۋدە ازا­مات­تاردىڭ، ۇكىمەتتىك ەمەس ۇيىم­­دار، قوعامدىق بىرلەستىكتەر، ەرىكتىلەر، مەتسەناتتار، بيزنەس وكىلدەرى مەن مەملەكەتتىك ور­گان­دار كۇشىن بىرىكتىرۋگە نەگىز­دەل­گەن «اتامەكەن» كىشى باع­دار­لا­ماسىنىڭ «جومارت جۇرەك» با­­عىتى الەۋمەتتىك باستامالار كار­­تا­سىنىڭ قيسىندى جالعاسى ىسپەتتى.

ارينە جومارت جاندارعا ەل اتىنان العىس ايتىپ، ىنتالان­دىرۋ دا ماڭىزدى. وسى ورايدا تۇركىستانداعى سالتاناتتى جيىن­دا تۋعان جەرىندە ءىرى الەۋ­مەتتىك جوبالاردى ىسكە اسىرىپ، قايىرىمدىلىق اكتسيالارى­نا بەلسەندى اتسالىسقان بىرقاتار ازاماتتىڭ ەڭبەگى باعالاندى. ەلدىڭ العىسىن الىپ جۇرگەن ەرلان احمەتوۆ، ابدىاشيم ەسەناليەۆ، باقىت­­­­جان بەيسەمباەۆ، ەركىنباي شالتانوۆ، بەكزات بايكوبەكوۆ سىندى ابىرويلى ازاماتتار «جىل مەتسەناتى»، «تۋعان ولكە»، «جىل تۇلعاسى»، «جىلدىڭ ۇزدىك ۇيىمى»، «ەرەن ەرىكتىلىك» اتالىمدارىمەن، قالا اكىمىنىڭ العىس حاتىمەن جانە ارنايى سىيلىقتارمەن ماراپاتتالدى.

سالتاناتتى شارادا تۇركىستان قا­لاسىنىڭ اكىمى ءا.وسەرباەۆ كوپشىلىكتى ونەگەلى ءىس جاساۋعا، يگى­لىكتى مۇرا قالدى­رۋعا شاقىرىپ، جومارت ازاماتتارعا العىسىن ءبىلدىردى.

عالىمجان ەلشىباي،

«ەگەمەن قازاقستان»

تۇركىستان وبلىسى

سوڭعى جاڭالىقتار

ۇقساس جاڭالىقتار