الەم • 04 قىركۇيەك، 2018

قازاق كوكپارشىلارى بۇگىن الاڭعا شىعادى

190 رەتكورسەتىلدى

دۇنيەجۇزىلىك كوشپەندىلەر ويىندارىنىڭ اياسىندا ءوتىپ جاتقان كوكبورى (كوكپار) بويىنشا سايىستار جالعاسۋدا. 

ءبىرىنشى تۋردا قىرعىزستان موڭعوليا كومانداسىن 29:5 ۇپايمەن جەڭىپ رەكورددىق كورسەتكىشكە يە بولدى. ماسكەۋ قۇراما كومانداسى اۋعانىستاندىق كوكبورىشىلەردى 7:2 ەسەبىمەن تىزە بۇكتىرىپ، جارتىلاي فينالعا جولداما الدى. وزبەكستاندىقتار باشقۇرت ارىپتەستەرىن 20:1 ەسەبىمەن ۇتىپ، ويىندارىن بۇدان ءارى جالعاستىرادى. ەندى فرانتسيانىڭ كومانداسىمەن كەزدەسپەكشى.

قازاقستاننىڭ كوكبورىشىلەرى 1-تۋردىڭ ويىندارىنا الدەبىر سەبەپپەن قاتىسقان جوق. ولاردى كراسنويارسكىنىڭ كومانداسى كۇتىپ وتىرعان. ۇيىمداستىرۋ كوميتەتىمەن بايلانىسقانىمىزدا، قازاقستان مەن كراسنويارسك كوماندالارى بۇگىن تۇستەن كەيىن وينايتىنى بەلگىلى بولدى.قىرعىز كوكبورىشىلەرى كۇشتى كوماندا دەپ ەسەپتەلىنەدى.ولار ءبىزدىڭ باستى باسەكەلەسىمىز قازاقستاندىق كوماندا دەگەن بولاتىن.

قىتايدان كەلگەن كوكبورى كومانداسى ويىن تالاپتارىنا لايىق بولماعاندىقتان مانداتتىق كوميسسيادان وتپەي، جارىستارعا قاتىسپايتىن بولدى. 

بەلگىلەي كەتسەك، ءبىرىنشى ورىنعا 3 ميلليون سوم، ەكىنشى ورىنعا 1،5 ميلليون سوم بايگە تىگىلگەن. كوكبورى بويىنشا جالپى بايگە قورى – 6 ميلليون سوم.

نازاربەك بايجىگىتوۆ،

قىرعىز رەسپۋبليكاسى،

شولپاناتا قالاسى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار