تاريح • 02 تامىز، 2018

جۇرتى جاقسىلىقتى توبەسىنە كوتەرگەن كۇن

290 رەتكورسەتىلدى

ۇلتىمىز قاي سالادا بولماسىن، تالانتتارعا كەندە ەمەس. ال سپورت­تا جۇلدىزى جارقىراعان قازاقتىڭ ءبىرى  جاقسىلىق ۇشكە­مپىروۆ ەكەنىن ەلى قالاي ۇمىتسىن؟! سونىمەن بۇگىن «سوي­لەيتىن» سۋ­رەت تانىمال ءفوتوتىلشى، ۇلتتىق سپورتتىڭ فوتو­شە­­­جى­رەسىن تى­نىمسىز جالعاپ كەلە جاتقان يۋري بەككەر­دىڭ قورجىنىنان شىق­تى. 

– البەتتە بۇل فوتو 1980 جىلى ءتۇسىرىلدى. جاقسىلىق ۇشكەم­پىروۆ ماسكەۋ وليمپيا­داسى­نان جەڭىسپەن ورالعاندا قۋانباعان ادام جوق. ابىرويلى ازاماتتى حالىق قۇشاق جايىپ قارسى الدى. وليمپياداعا قاتىسۋشىلار شەرۋى الماتىداعى م.يۋ. لەرمونتوۆ اتىنداعى اكا­دەميالىق ورىس دراما تەاترىندا ءوتتى. وتىزعا كەلگەندە وردا بۇزعان ساڭلاق سپورتشىمەن كەزدەسۋگە، قۇتتىقتاۋعا كەلگەندەردىڭ قاراسى كوپ بولدى. مەن ول كەزدە كازتاگ-تىڭ جاس ءفوتوتىلشىسى رەتىندە وسى سالتاناتتى شارانى، ايتۋلى وقيعانى تۇسىرۋگە باردىم. ساحنادا اتاقتى بوكسشى سەرىك قو­ناقباەۆ تا وتىر. ول كەزدە ەكى­نىڭ ءبىرى قازىرگىدەي سمارتفونعا سارت ەتكىزە المايدى. ءوزىم ءۇشىن دە كوزىمە ىستىق بۇل سۋرەتتى وليمپيادا چەمپيونى­نا ەستەلىك رە­­تىندە بەرگەن-بەرمەگەنىم ەسىم­دە قالماپتى. سوندىقتان تۇسىرىل­گە­­نىنە 38 جىل وتە شىققان فوتو داڭق­تى تۇلعاعا دا توسىنسىي بولۋى عاجاپ ەمەس، – دەيدى يۋري بەككەر.

ايناش ەسالي،
«ەگەمەن قازاقستان»

الماتى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار