قازاقستان • 07 قىركۇيەك، 2017

«نۇرلى جەر» باعدارلاماسى تۋرالى ونلاين-كەڭەس الۋعا بولادى

602 رەتكورسەتىلدى

«نۇرلى جەر» تۇرعىن ءۇي قۇرىلىس باعدارلاماسى تۋرالى اقپاراتتار بازاسى جيناقتالاتىن «باسپانا.kz» پورتالى جىل سوڭىنا دەيىن ىسكە قوسىلادى. تۇرعىن ءۇي قۇرىلىس جيناق بانكىنىڭ سالىمشىلارى وسى پورتال ارقىلى قالاعان پاتەردى تاڭداپ، ساتىپ الۋ ءىسىن ونلاين اتقارا الادى. ەكسپو-2017 كورمەسىندەگى ساندىق پاۆيلوندا وتكەن «تۇرعىن ءۇي قۇرىلىس جيناق بانكى-ونلاين» شاراسىندا اتالعان بانكتىڭ باسقاراما ءتورايىمى ءلاززات يبراگيموۆا بانكتىڭ وڭتايلاندىرىلعان جاڭا قىزمەتتەرى تۋرالى ايتىپ بەردى.

«باسپانا.kz» جىلجىمايتىن م ۇلىك پورتالى «نۇرلى جەر» تۇرعىن ءۇي قۇرىلىس باعدارلاماسىمەن سالىنىپ جاتقان بارلىق نىسان تۋرالى مالىمەتتەر جيناقتالاتىن بازاعا اينالماق. تۇرعىن ءۇي قۇرىلىس جيناق بانكى تۇتىنۋشىلارى اتالعان مەملەكەتتىك باعدارلامانىڭ شارتتارى مەن تۇرعىن ءۇيدىڭ شارشى مەترىنىڭ باعاسى تۋرالى تولىق مالىمەتتەردى ازىرگە ۆيدەو بايلانىس ارقىلى بىلە الادى. ۆيدەو بانكينگ جۇيەسى تەست تۇرىندە الماتى مەن ورال قالالارىنىڭ تۇرعىندارى اراسىندا ىسكە اسىرىلۋدا. 2018 جىلدان باستاپ جاڭا سەرۆيستىڭ بۇل ءتۇرى تۇرعىن ءۇي قۇرىلىس جيناق بانكىنىڭ بارلىق بولىمشەلەرىندە ىسكە قوسىلماق.

– تسيفرلىق تەحنولوگيانى ىسكە اسىرۋعا دەن قويىپ جاتىرمىز. بۇگىندە 70 مىڭ تۇتىنۋشى ءموبيلدى ينتەرنەت بانكينگ جۇيەسىن تۇراقتى قولدانادى.  ال ىسكە قوسىلىپ وتىرعان ۆيدەوبانكينگ قىزمەتى ەڭ الدىمەن ۋاقىت ۇنەمدەۋگە كومەكتەسەدى، – دەگەن «قازاقستاننىڭ تۇرعىن ءۇي قۇرىلىس جيناق بانكى» اق باسقارما ءتورايىمى ءلاززات يبراگيموۆا قاشىقتان قىزمەت الۋدىڭ وزگە دە تۇرلەرىن اتاپ ءوتتى.

ونىڭ ايتۋىنشا، ونلاين رەجيمدە بانك تۇتىنۋشىلارى جيناقتار مەن ەسەپتەلگەن سىياقى سوماسىن بىلە الادى. دەپوزيت تولىقتىرىپ، كەز كەلگەن بانكتىڭ كارتاسىمەن كوميسسياسىز نەسيە وتەۋگە دە بولادى. سونداي-اق، بانك بولىمشەلەرىنەن كەزەككە تۇرىپ، پۋلعا قاتىسۋ ءۇشىن ءوتىنىش بەرۋ قاراستىرىلعان. وسى قوسىمشانىڭ ارقاسىندا 47 مىڭ سالىمشى مەملەكەتتىك باعدارلامالارعا قاشىقتان قاتىسا الادى.

دينارا سادۋاقاسوۆا

شارا بارىسىندا قازاقستاندىق شاحماتشى دينارا سادۋاقاسوۆا بانكتەن دەپوزيت اشىپ، جاڭا شوتتىڭ يەسى اتاندى. «بىرىنشىدەن، وسىنداي تاماشا شاراعا شاقىرتۋ العانىما العىس ايتامىن. بانكتىڭ قىزمەتتەرىمەن كوپتەن تانىسپىن، ويلانا كەلە دەپوزيت اشۋدى ءجون سانادىم. تۇتىنۋشىلارعا وڭتايلى قىزمەت ۇسىنىپ وتىرعان بانك قىزمەتىنە تابىس تىلەيمىن»، دەدى ول.

ەسكە سالا كەتسەك، تۇرعىن ءۇي قۇرىلىس جيناق بانكىنەن «نۇرلى جەر» تۇرعىن ءۇي قۇرىلىس باعدارلاماسى بويىنشا پاتەر ساتىپ الۋ ءۇشىن كەزەككە تۇرعاندار مەن تۇرعىنداردىڭ وزگە دە ساناتىنا بىرنەشە تالاپتار قويىلعان. اتاپ ايتقاندا، قازاقستان رەسپۋبليكاسىنىڭ ازاماتى، يا ورالمان ستاتۋسىنىڭ بولۋى، سونداي-اق قاتىسۋشى استانا مەن الماتى قالالارىنان باسپانا الۋعا ءۇمىتتى بولسا، وسى سوڭعى قالالاردا سوڭعى ەكى جىلدا تىركەلگەن بولۋى كەرەك. وتىنىشتە كورسەتىلگەن وتباسى مۇشەلەرىندە قازاقستان اۋماعىندا مەنشىكتىك قۇقىندا نەمەسە ساتىپ الۋ قۇقىمەن جالعا بەرىلگەن باسپانا بولماۋى، ەلدىڭ بارلىق اۋماعى بويىنشا سوڭعى بەس جىلدا قاتىسۋشىنىڭ ءوزى مەن وتباسىنىڭ وزگە مۇشەلەرىندە مەنشىكتىك قۇقىقتاعى باسپانالىق جاعدايىن اۋىستىرۋ نەمەسە يەلىكتەن شىعارۋ ارقىلى ادەيى ناشارلاتۋ فاكتىلەرى بولماۋى قاجەت.

ايا ءومىرتاي،

«ەگەمەن قازاقستان»

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ءبارىمىزدىڭ ابايىمىز

رۋحانيات • كەشە

ينۆەستيتسيالار يگىلىگى

ەكونوميكا • كەشە

ماقتاارالدا ديقانشىلىق باستالدى

ايماقتار • 16 قاڭتار، 2020

ۇقساس جاڭالىقتار