02 شىلدە، 2011

قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №202

512 رەت كورسەتىلدى
2011 جىلعى 19 مامىر استانا قالاسى. عىلىمي ۇيىمنىڭ كونسۋلتاتيۆتىك-كەڭەسشى ورگانى تۋرالى ۇلگى ەرەجەنى بەكىتۋ تۋرالى «عىلىم تۋرالى» قازاقستان رەسپۋبليكاسىنىڭ 2011 جىلعى 18 اقپانداعى زاڭىنىڭ 4-بابىنىڭ 11) تارماقشاسىن ىسكە اسىرۋ ماقساتىندا بۇيىرامىن: 1. قوسا بەرىلىپ وتىرعان عىلىمي ۇيىمنىڭ كونسۋلتاتيۆتىك-كەڭەسشى ورگانى تۋرالى ۇلگى ەرەجە بەكىتىلسىن. 2. عىلىم كوميتەتى (ب.ا.قاسىمبەكوۆ): 1) وسى بۇيرىقتى بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە جىبەرسىن; 2) مەملەكەتتىك تىركەۋدەن وتكەننەن كەيىن وسى بۇيرىقتى بۇقارالىق اقپارات قۇرالدارىندا جاريالاسىن. 3. «عىلىمي ۇيىمنىڭ كونسۋلتاتيۆتىك-كەڭەسشى ورگانىنىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2005 جىلعى 7 قاراشاداعى №707 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №3948 بولىپ تىركەلگەن، 2005 جىلعى 21 جەلتوقسانداعى №173-174 (798) «زاڭ گازەتى») كۇشى جويىلدى دەپ تانىلسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى م. ك.ورىنحانوۆقا جۇكتەلسىن. 5. وسى بۇيرىق العاش رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.     مينيستر    ب.جۇماعۇلوۆ. قازاقستان رەسپۋبليكاسى ءبىلىم جانە عىلىم ءمينيسترىنىڭ 2011 جىلعى 19 مامىرداعى №202 بۇيرىعىمەن بەكىتىلگەن   عىلىمي ۇيىمنىڭ كونسۋلتاتيۆتىك-كەڭەسشى ورگانى تۋرالى ۇلگى ەرەجەنى بەكىتۋ تۋرالى   1. جالپى ەرەجەلەر   1. عىلىمي ۇيىمنىڭ كونسۋلتاتيۆتىك-كەڭەسشى ورگانى عىلىمي (عىلىمي، عىلىمي-تەحنيكالىق، تەحنيكالىق) كەڭەس (بۇدان ءارى – كەڭەس) بولىپ تابىلادى. 2. كەڭەس ءوز قىزمەتىنە 2011 جىلعى 18 اقپانداعى «عىلىم تۋرالى» قازاقستان رەسپۋبليكاسىنىڭ زاڭىن، سالالىق باعدارلامالاردى، عىلىم سالاسىنداعى قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىن، سونداي-اق عىلىمي ۇيىمنىڭ جارعىسىن جانە وسى ەرەجەنى باسشىلىققا الادى. 2. كەڭەستىڭ نەگىزگى مىندەتتەرى   3. كەڭەستىڭ نەگىزگى مىندەتتەرى: 1) عىلىمي ۇيىمنىڭ عىلىمي، عىلىمي-تەحنيكالىق جانە يننوۆاتسيالىق قىزمەتتەرى ماسەلەلەرىن قاراستىرۋ، ونى جەتىلدىرۋ بويىنشا ۇسىنىستاردى ازىرلەۋ جانە ءتيىستى ۇسىنىمدار ەنگىزۋ; 2) قازاقستان رەسپۋبليكاسىنىڭ عىلىمي، عىلىمي-تەحنيكالىق جانە يننوۆاتسيالىق قىزمەتىنىڭ قازاقستان رەسپۋبليكاسىنىڭ پرەزيدەنتى جانە قازاقستان رەسپۋبليكاسىنىڭ ۇكىمەتى ايقىنداعان باسىم باعىتتارىن ىسكە اسىرۋعا كومەكتەسۋ; 3) عىلىمي ۇيىم قىزمەتتەرىنىڭ ستراتەگيالىق جانە اعىمداعى جوسپارلارىن قاراستىرۋ; 4) عىلىمي ۇيىمنىڭ بىرىڭعاي مەملەكەتتىك عىلىمي-تەحنيكالىق ساياساتتى قالىپتاستىرۋ مەن ىسكە اسىرۋعا قاتىسۋ بويىنشا باسقا عىلىمي ۇيىمدارمەن، جوعارى وقۋ ورىندارىمەن، عىلىمي قاۋىمداستىقپەن ءوزارا ءىس-قيمىل ماسەلەلەرىن قاراستىرۋ; 5) عىلىمي جانە تاجىريبەلىك-كونسترۋكتورلىق جۇمىستاردى ۇيىمداستىرۋدى جەتىلدىرۋ بويىنشا ۇسىنىستاردى زەردەلەۋ جانە ازىرلەۋ; 6) ۇيىمنىڭ يننوۆاتسيالىق قىزمەتىن دامىتۋ ماسەلەلەرىن قاراستىرۋ; 7) عىلىمي جانە عىلىمي-تەحنيكالىق قىزمەتتەردىڭ ناتيجەلەرىن دارىپتەۋ مەن ناسيحاتتاۋعا قاتىسۋ، ولاردى كوممەرتسيالاندىرۋعا كومەكتەسۋ; 8) حالىقارالىق عىلىمي جانە عىلىمي-تەحنيكالىق ىنتىماقتاستىقتى دامىتۋعا كومەكتەسۋ; 9) عىلىمي ۇيىمداردىڭ جانە ونىڭ قۇرىلىمدىق بولىمشەلەرىنىڭ ءتيىمدى جۇمىسى بويىنشا ۇسىنىستار ازىرلەۋ.   3. كەڭەس قىزمەتتەرى   4. كەڭەس ءوز مىندەتتەرىن ورىنداۋ ءۇشىن: 1) قازاقستان رەسپۋبليكاسىنىڭ ۇكىمەتى ايقىنداعان عىلىمي، عىلىمي-تەحنيكالىق جانە يننوۆاتسيالىق قىزمەتتىڭ باسىم باعىتتارىن ىسكە اسىرۋ ماقساتىندا عىلىمي ۇيىمنىڭ نەگىزگى باعىتتارى بويىنشا ۇسىنىمداردى تالقىلايدى جانە ازىرلەيدى; 2) عىلىمي تۇجىرىمدامالاردى، عىلىمي جانە (نەمەسە) عىلىمي-تەحنيكالىق دامۋ باعدارلامالارىنا، عىلىم سالاسىنداعى زاڭنامالىق جانە باسقا دا نورماتيۆتىك اكتىلەرگە ۇسىنىستاردى قاراستىرادى; 3) عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردىڭ جانە ولاردىڭ ناتيجەلەرىن پراكتيكالىق ىسكە اسىرۋ، عىلىمي كادرلاردى دايارلاۋ، عىلىمي ەڭبەكتەردى شىعارۋ جوسپارلارىن بەكىتۋ جانە ىسكە اسىرۋ بويىنشا ۇسىنىمداردى قاراستىرادى جانە ازىرلەيدى; 4) عىلىمي ۇيىمنىڭ عىلىمي، عىلىمي-ۇيىمداستىرۋ جانە وندىرىستىك قىزمەتى بويىنشا ەسەپتەردى بەكىتۋ بويىنشا ۇسىنىمداردى قاراستىرادى جانە ازىرلەيدى; 5) عىلىمي ۇيىمدى باسقارۋدى جەتىلدىرۋ، سونداي-اق عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا (بۇدان ءارى – عزتكج) قارجىلىق قاراجاتتاردى ءتيىمدى پايدالانۋ بويىنشا ماسەلەلەردى تالقىلايدى جانە ۇسىنىمدار ەنگىزەدى; 6) باسقا عىلىمي ۇيىمدارمەن، جوعارى وقۋ ورىندارىمەن ىنتىماقتاستىق ماسەلەلەرىن قاراستىرادى; 7) قۇرىلىمدىق بولىمشەلەردىڭ، ولاردىڭ باسشىلارىنىڭ جانە جەكەلەگەن عىلىمي قىزمەتكەرلەرىنىڭ عىلىمي، عىلىمي-تەحنيكالىق جانە وندىرىستىك قىزمەتى تۋرالى ەسەپتەرىن تىڭدايدى; 8) عىلىمي ۇيىمنىڭ حالىقارالىق ىنتىماقتاستىعى ماسەلەلەرىن، شەتەلدىك ۇيىمدارمەن بىرلەسە وتكىزگەن عىلىمي زەرتتەۋلەردىڭ ورىندالۋ بارىسىن تالقىلايدى، قىزمەتكەرلەردىڭ شەتەلدىك عىلىمي ءىسساپارلارى بويىنشا ەسەپتەرىن تىڭدايدى; 9) عىلىمي كادرلاردى دايارلاۋمەن جانە ولاردىڭ بىلىكتىلىگىن ارتتىرۋمەن بايلانىستى ماسەلەلەردى تالقىلايدى; عالىمداردىڭ عىلىمي كادرلاردى دايارلاۋ بويىنشا جۇمىستارى تۋرالى حابارلامالارىن جۇيەلى تۇردە تىڭدايدى; 10) مەملەكەتتىك ناگرادالار مەن سىيلىقتارعا عىلىمي ەڭبەكتەردى، عىلىمي جاڭالىقتاردى جانە ونەرتابىستاردى ۇسىنادى; 11) ۇيىمنىڭ عىلىمدى دامىتۋعا ۇلەس قوسقان عىلىمي قىزمەتكەرلەرىنە عىلىمي جانە قۇرمەتتى اتاقتاردى بەرۋگە كانديداتۋرالاردى ۇسىنادى; 12) ۇلتتىق عىلىمي كەڭەستەردىڭ قۇرامىنا ۇسىنىلعان عالىمداردىڭ كانديداتۋرالارىن قاراستىرادى; 13) عىلىمي قۇرىلىمداردىڭ، زەرتحانالاردىڭ مەڭگەرۋشىلەرى، باس جانە جەتەكشى، اعا جانە كىشى عىلىمي قىزمەتكەرلەردىڭ بوس لاۋازىمدارىن ورنالاستىرۋ ماسەلەلەرى بويىنشا ۇسىنىمداردى تالقىلايدى جانە ازىرلەيدى; 14) جەكەلەگەن اۆتورلاردىڭ، ۇجىم جانە قىزمەتكەرلەردىڭ عىلىمي ەڭبەكتەرىن جاريالاۋعا ۇسىنادى; 5. عىلىمي ۇيىم كەڭەسىنىڭ دەربەس قۇرامىن عىلىمي ۇيىمنىڭ باسشىسى ەكى جىل مەرزىمگە بەكىتەدى. كەڭەستىڭ مۇشەلەرى ۇيىمنىڭ عىلىمي قىزمەتكەرلەرى ۇجىمىنىڭ جالپى جينالىسىندا كوپشىلىك داۋىسپەن سايلانادى. 6. كەڭەستىڭ توراعاسى عىلىم ۇيىمنىڭ باسشىسى، ول بولماعان جاعدايدا باسشىنىڭ عىلىمي جۇمىس جونىندەگى ورىنباسارى بولىپ تابىلادى. 7. كەڭەس قاجەتتىلىگىنە قاراي جينالادى، بىراق توقسانىنا ءبىر رەتتەن ءجيى ەمەس. ەگەر وتىرىستا كەڭەس قۇرامىنىڭ 2/3 قاتىسىپ وتىرسا، كەڭەس شەشىم قابىلدايدى. 8. ەگەر وتىرىسقا قاتىسقان كەڭەس مۇشەلەرىنىڭ جارتىسىنان استامى داۋىس بەرسە، كەڭەس شەشىمى قابىلداندى دەپ سانالادى. ەگەر كەڭەس قۇپيا داۋىس بەرۋ تۋرالى شەشىم قابىلداماسا، شەشىمدەر اشىق داۋىس بەرۋ ارقىلى قابىلدانادى. 9. كەڭەس شەشىمدەرى ۇسىنىمدىق سيپاتقا يە جانە عىلىمي ۇيىمنىڭ باسشىسى بەكىتكەننەن كەيىن كۇشىنە ەنەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 10 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6999 بولىپ ەنگىزىلدى.
 
سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ددسۇ QazVac-تى قاشان مويىندايدى؟

كوروناۆيرۋس • بۇگىن، 12:35

ۇقساس جاڭالىقتار