قور قۇندى ەڭبەكتەرمەن تولىقتى

كەشە ەلىمىزدىڭ سىرتقى ىستەر مينيسترلىگى ەلور­دا­دا­عى ۇلتتىق اكادەميالىق كىتاپحانا قورىنا كوپتەگەن شەتەل تىلدەرىندە جارىق كورگەن قازاقستان پرەزيدەنتى نۇر­سۇلتان نازارباەۆتىڭ جانە ەلباسى تۋرالى ءتۇرلى كىتاپتار جيناعىن تارتۋ ەتتى. سالتاناتتى راسىمگە عى­لى­مي قاۋىمداستىق, ديپلوماتيالىق كورپۋس جانە بۇقا­را­لىق اقپارات قۇرالدارى وكىلدەرى قاتىستى. ۇلتتىق اكادەميالىق كىتاپحانا قورىنا تابىس ەتىلگەن كىتاپتار اراسىندا ءار جىلدارى پرەزيدەنت قالامىنىڭ ۇشىنان شىققان «قازاقستاندىق جول», «سىندارلى 10 جىل», «بەيبىتشىلىك كىندىگى» جانە دجوناتان ايتكەننىڭ «نۇرسۇلتان نازارباەۆ جانە قازاقستاننىڭ قا­رىش­تى قادامى», پەر-ليۋك سە­گيونىڭ «ەۋرازيا تۇعىرى» سىن­دى كىتاپتار بار. جيىن كەزىندە ءسوز العان سىرتقى ىستەر مينيسترلىگىنىڭ جاۋاپتى حاتشىسى ءراپىل جو­شى­باەۆ: «بۇل كىتاپتار ءتۇرلى ەل­دەردىڭ قوعامدىق-ساياسي, عىلى­مي-زەرتتەۋ توپتارى تاراپىنان شىنايى قىزىعۋشىلىققا بولە­نۋ­دە. بۇل رەتتە ەلباسىنىڭ تاۋەل­سىز قازاقستان جەتىستىكتەرى­نىڭ سىرىن اشقان «قازاقستان­دىق جول» كىتابىن اتاپ وتكىم كەلەدى», دەي كەلە, اتالعان كى­تاپ­تىڭ 30-دان اسا تىلدەرگە, سولار­دىڭ ىشىندە اعىلشىن, فرانتسۋز, يسپان, اراب, قىتاي, جاپون تىلدەرىنە اۋدارىلۋى جايدان-جاي ەمەس دەگەن ويىن جەتكىزدى. بۇل رەتتە «قازاقستاندىق جولدىڭ» ءتۇرلى شەتەل تىلىندەگى نۇسقالارىنىڭ العىسوزدەرىن مار­گارەت تەتچەر, فرانتس ۆرانيتسكي, فەدەريكو مايور سىندى الەمدىك دارەجەدە مويىندالعان تۇلعالاردىڭ جازعانىن اتاپ وتكەنىمىز ءجون. «بۇل كىتاپتار توپتاماسىن استانانىڭ ۇلتتىق اكادەميا­لىق كىتاپحاناسىنا تابىستاي كەلە, ولاردىڭ بولاشاقتا كوپتىڭ سۇرانىسىنا يە بولىپ, قازاق­ستان مەن ونىڭ كوشباسشى­سى­نىڭ اۋقىمدى جەتىستىكتەرىن جەتىك مەڭگەرۋگە ءوز ىقپالىن تيگىزەدى دەپ سەنەمىز», دەدى ر.جو­شى­باەۆ ءوزىنىڭ سوزىندە. سالتاناتتى ءراسىم كەزىندە, سونداي-اق, ۇلتتىق اكادەميا­لىق كىتاپحانانىڭ باس دي­رەك­تورى جاننا شايمۇحان­بە­توۆا جانە استاناداعى پولي­تەح­ني­كالىق كوللەدجدىڭ اعىلشىن ءتىلى ءپانىنىڭ وقىتۋشىسى جا­نارگۇل دۇيسەباەۆا دا ءسوز الىپ, كىتاپحانا قورىنا تابىستالعان كى­تاپتاردىڭ ماڭىزدىلىعى تۋ­را­­سىندا ءوز وي-پايىمدارىن جەتكىزدى. ءلايلا ەدىلقىزى.