الىستاعى اعايىندارعا رۋحاني سالەمدەمە

استانادا وتكەن دۇنيەجۇزى قازاق­تارى­نىڭ بەسىنشى قۇرىل­تايىندا ەلباسىمىز, «نۇر وتان» حالىقتىق-دە­مو­كراتيالىق پار­تيا­­سىنىڭ توراعاسى نۇرسۇل­تان نازارباەۆ ەل تاۋەلسىزدىگىنىڭ 20 جىلدىعى قارساڭىندا ءوتىپ جات­قان مۇنداي اۋقىمدى شاراعا وتانداستارى­مىز تەك توي تويلاۋ ءۇشىن ەمەس, كەڭىنەن وي تولعاۋ ماق­ساتىمەن باس قوسىپ وتىر­عانىن ايتا كەلىپ, ءتيىستى سالا قىزمەت­كەر­لەرىنە سىرتتا جۇرگەن اعايىن­داردى رۋحاني قولداۋ جونىندە تاپسىرما بەرگەن بولاتىن. سوعان وراي, «نۇر وتان» پارتياسى ەلباسى پارتياسى رەتىندە ءبىر يگىلىكتى شارۋانى باستاپ كەتتى. ياعني, ءسار­سەن­بىنىڭ ساتىندە قاسيەتتى سەمەي شاھا­رىن­دا قازاق دياسپورالارى تۇرىپ جاتقان شەت ايماقتارعا رۋحاني كومەك كورسەتۋ ماقساتىمەن يگىلىكتى ءبىر اكتسيا وتكىزىلدى. ەل تاۋەلسىزدىگىنىڭ 20 جىلدىعىنا وراي وتكىزىلگەن ال­عاشقى شارا ۇستىندە نۇر­وتان­دىقتار تاۋلى التاي مەن موڭ­عو­ليا­داعى وتانداستارىمىزعا ەلى­مىزدىڭ ەگەمەندىككە قول جەتكىزگەننەن بەرگى جەتىستىكتەرىن باياندايتىن  مىڭداعان كىتاپ, ۇلت كوشباسشىسىنىڭ ەڭبەك­تەرى, حالقىمىزدىڭ ءان-كۇيلەرى, قازاق­ستاندىق رەجيس­سەرلەردىڭ كوركەم جانە دەرەكتى فيلمدەرى جازىلعان ءۇن­تاسپا جيناقتارى مەن فوتوال­بوم­دارىن مەرەكەلىك سىي رەتىندە ءجو­نەلتتى. اتالعان شاراعا ارنايى كەلىپ قا­تىس­قان «نۇر وتان» پارتياسى توراعا­سى­نىڭ ءبىرىنشى ورىنباسارى نۇرلان نىع­ماتۋلين ەرتىس وزەنى جاعاسىندا وتكەن ميتينگىدە «پارتيا توراعاسى نۇرسۇل­تان نازارباەۆ ايتقانداي, قازاقستان  الەمدەگى بارشا قازاقتىڭ قۇتتى شا­ڭى­را­عى, سوندىقتان سىرتتا جۇرگەن اعاي­ىن­دار الەمنىڭ قاي تۇكپىرىندە جۇرسە دە قازاق حالقىنىڭ ءبىر بولشەگى ەكەنىن ەش ۇمىتپاۋى كەرەك دەي كەلىپ, بۇگىنگى اكتسيا – ول شەتتە جۇرگەن اعايىندارعا ءوزىنىڭ تاريحي اتامەكەنى بار ەكەندىگىن, ولاردى ءبىزدىڭ ۇمىتپاي­تىن­دى­عىمىز­دىڭ ايقىن ايعاعى دەپ اتاپ كورسەتتى. قازىردە نۇروتاندىقتار باستاماسىمەن بايان-ولگەيدە امبەباپ سپورت الاڭىنىڭ قۇرىلىسى ءجۇرىپ جاتقاندىعى دا سونىڭ تاعى ءبىر دالەلى. ميتينگىدە ءسوز العان وبلىس اكىمى بەر­دىبەك ساپارباەۆ تا سىرتتان كوشىپ كەل­گەن اعايىندارعا جاسالىپ جاتقان قام­قورلىققا توقتالدى. ايتالىق, وب­لىس ورتالىعى وسكەمەن مەن كۋرچاتوۆ قا­لاسىندا ورالماندارعا ارنالعان تۇر­عىن ۇيلەر قاتارعا قوسىلعانى ۇلكەن قۋا­نىش. ميتينگىدە, سونداي-اق سەمەي قالاسىنىڭ اكىمى ايبەك كارىموۆ, ءشا­كارىم اتىنداعى سەمەي مەملەكەتتىك ۋنيۆەرسيتەتىنىڭ پرورەكتورى, پروفەسسور اراپ ەسپەنبەتوۆ, موڭعوليادان كەلىپ, سەمەي پەداگوگيكا ينستيتۋ­تىندا وقىپ جاتقان داۋلەت ەرلان ءسوز سويلەدى. رۋحاني تۇرعىداعى جۇك تيەلگەن بەس كولىك وسى ارادان الىستاعى اعايىندار قازىردە مەكەندەپ جاتقان شەت ايماققا اتتانىپ كەتتى. كوش كەرۋەندى سەمەيلىكتەر «اتامەكەن» ءانىن شىرقاپ تۇرىپ زور سالتاناتپەن شىعارىپ سالدى. داۋلەت سەيسەن ۇلى, سەمەي.