26 ءساۋىر، 2011

اپتا ايشىقتارى

218 رەت كورسەتىلدى
دوستىق فەستيۆالى – بىرلىك باستاۋى اقتوبە قالاسىنداعى «دوستىق» ۇيىندە تاۋەلسىزدىكتىڭ 20 جىلدىعىنا وراي «تاۋەلسىز ەل – قازاقستان» اتتى وبلىستىق حالىق دوستىعىنىڭ فەستيۆالى ءوتتى. ەكى كۇنگە سوزىلعان فەستيۆالدە ەتنومادەني بىرلەستىكتەردىڭ وكىلدەرى ۇلتتىق قولونەر بۇيىمدارى­نىڭ كورمەسىن ۇيىمداستىرىپ، ءوز ونەرلەرىن ورتاعا سالدى. ون ەكىنشى رەت ۇيىمداستىرىلعان ءداستۇرلى شاراعا ون ءۇش ەتنومادەني بىرلەستىكتىڭ وكىلدەرى قاتىستى. جىل سايىن وتەتىن دوستىق فەستيۆالىندە ەلىمىزدى مەكەندەيتىن ەتنوستار ءبىر-ءبىرىنىڭ تاريحىمەن، جادىگەرلەرىمەن، سالت-داستۇرىمەن تانىسىپ، ەتەنە ارالاسادى. فەستيۆال اياسىندا ۇيىمداستىرىلعان كورمەدە زاتتارى ۇزدىك دەپ تانىلعان جانە ءان، بي نوميناتسيالارى بويىنشا ادەمى ونەر كورسەتكەن بىرلەستىكتەر جەڭىمپاز اتانادى. ساتىبالدى ءساۋىرباي. اقتوبە وبلىسى. * * * اكادەميككە قۇرمەت كورسەتىلدى جۋىردا 80 جىلدىق مەرەيتويىنا وراي سەمەيگە كورنەكتى قوعام قايراتكەرى، اكادەميك تورەگەلدى شارمانوۆ كەلىپ كەتتى. اكادەميكتىڭ ۇسىنىسىمەن ونىڭ وسى ساپارى بارىسىندا مۇندا تاعامتانۋ ورتالىعى اشىلدى. ونىڭ سىرتىندا سەمەي مەملەكەتتىك ۋنيۆەرسي­تەتىنىڭ اۋلاسىندا بولاشاق عىلىم اللەياسىنىڭ ىرگەتاسى قالاندى. وبلىس اكىمى بەردىبەك ساپارباەۆتىڭ قولداۋىمەن سول كۇنى ءتۇس اۋا  بەلگىلى اكادەميك-عالىمنىڭ مەرەيتويى اباي اتىنداعى دراما تەاترىندا سالتاناتتى جاعدايدا اتاپ ءوتىلدى. داۋلەت سەيسەن ۇلى. سەمەي. * * * قوس اقىن شىعارمالارى وقىلدى اتىراۋدا مەكتەپ وقۋشىلارىنىڭ ون ەكىنشى رەت وتكىزىلگەن  اباي-شاكارىم وقۋلارى مارەگە جەتتى. شاراعا قاتىسۋشىلار قوس اقىننىڭ ۇلاعاتقا تولى شىعارمالارىن «ولەڭ – ءسوزدىڭ پاتشاسى، ءسوز ساراسى» اتتى ءبىرىنشى بولىمدە جاتقا وقۋدان، ال «كوڭىلىم ءاندى ۇعادى» دەپ اتالعان كەلەسى كەزەڭدە اندەرى مەن كۇيلەرىن ورىنداۋدان سايىسقا ءتۇستى. سونىمەن بىرگە، پوەزياعا ىنتالى وقۋشىلار ءوز ولەڭدەرىن وقىدى. مەكتەپ وقۋشىلارىنىڭ سويلەۋ مانەرىن، جادىدا ساقتاۋىن، ويىن جەتكىزە ءبىلۋىن جەتىلدىرۋگە سەپ بولاتىن وسى شارادا ا.نازەنعاليەۆا، د.جۇماشەۆ، م.ەسەنيازوۆ سەكىلدى وقۋشىلار جەڭىمپاز اتاندى. جولداسبەك شوپەعۇل. اتىراۋ وبلىسى. * * * جۇرىنوۆتىڭ ەسىمىمەن اتالادى ق.ا.ياساۋي اتىنداعى حقتۋ-ءدىڭ سەنات زالىنا اكادەميك مۇرات جۇرىنوۆتىڭ ەسىمى بەرىلدى. مۇنىڭ ءوز ءمانى بار. ەلباسىمىز تۇرىك مەملەكەتىنىڭ باسشىلارىمەن كەلىسىپ، حقتۋ-ءدى اشۋعا ۇسىنىس ايتقاندا وسى وقۋ ورنىن تۇركىستاننان اشۋ قاجەتتىگىن العا تارتقان تۇڭعىش رەكتورى مۇرات جۇرىنوۆ بولاتىن. قالانىڭ قۇلازىعان شىعىس بەتىنەن العاشقى قازىعىن قاققان دا ءوزى ەدى. بۇگىندە ياساۋي اتىنداعى حقتۋ كيەلى قالانىڭ اجارىن اشىپ قانا قويماي، قازاقستانداعى ىرگەلى وقۋ ورىندارىنىڭ بىرىنە اينالدى. جۇرتشىلىق حقتۋ-ءدىڭ قازىرگى رەكتورى، پروفەسسور لەسبەك ءتاشىموۆتىڭ ونەگەلى ىسىنە ريزا بولدى. اكادەميك م.جۇرىنوۆ العىسىن ءبىلدىردى. باقتيار تايجان. وڭتۇستىك قازاقستان وبلىسى، تۇركىستان قالاسى. * * * تىگىن ماشىڭكەسىن تارتۋ ەتتى مۇگەدەك جانداردى قامقورلىققا العان «ءۇمىت» قوعامدىق ۇيىمى جانىنان، مىنە، بىرنەشە جىلدان بەرى تىگىن تسەحى جۇمىس ىستەيدى. وندا دەنساۋلىقتارىنا بايلانىستى اتالعان توپتاعى ىسمەر ايەلدەر بالالارعا ارناپ جەڭىل كيىم تۇرلەرىن تىگەدى. بۇعان دەيىن ولار ماشىڭكەلەردى جالعا الىپ، تابىستارىنىڭ ءبىر بولىگىن سول ءۇشىن تولەپ كەلسە، ەندى جاعدايلارى جەڭىلدەي ءتۇستى. «كاسىپكەرلىكتى دامىتۋدىڭ «دامۋ» ايماقتىق قورى تاراپىنان تارتۋ ەتىلگەن بىرنەشە تەحنيكا ەڭبەكتەرىن جانداندىرۋعا ۇلكەن كومەك بولىپ ءتيدى. وسىنداي قولداۋدىڭ ارقاسىندا تىگىن بۇيىمدارىنىڭ ساپاسىن جاقسارتۋمەن بىرگە، ءتۇر-ءتۇرىن كوبەيتۋگە دە مۇمكىندىك تۋىپ وتىر. ايقىن نەسىپباي. قاراعاندى. * * * بالىق اۋلاۋعا تىيىم سالىندى وتكەن اپتادا توبىل-تورعاي وبلىسارالىق سۋ باسسەينى ينسپەكتسياسى بالىقتىڭ بىرنەشە ءتۇرىن اۋلاۋعا ۋاقىتشا تىيىم سالدى. امانگەلدى، جانگەلدين اۋداندارى مەن ارقالىق قالاسى توڭىرەگىندەگى سۋ قويمالارىنان ءساۋىردىڭ 20-سىنان مامىردىڭ اياعىنا دەيىن سازان، كارپ، تىران، قارابالىق اۋلانبايتىن بولدى. ال بۇل تىزىمگە شورتان كىرمەيدى. شورتان مەن سازان تۇقىمداس ياز بالىعىن وبلىستىڭ وزگە ايماقتارىنداعى سۋلاردا ءساۋىردىڭ ورتاسىنان مامىردىڭ ورتاسىنا دەيىن، ال كارپ، تىران، كوكسەركە، وڭعاق بالىقتارىن مامىردىڭ ورتاسىنان ماۋسىمنىڭ اياعىنا دەيىن اۋلاۋعا بولمايتىنىن ەسكەرتتى. قالعان كەزدەردە بالىقشىلارعا ساتىپ العان جولدامامەن بەس كيلوگرامعا دەيىن بالىق اۋلاۋعا رۇقسات بار. ءنازيرا جارىمبەتوۆا. قوستاناي. * * * ءبىلىمى مەن بىلىگىن تانىتتى «ۇزدىك اۋىل مەكتەبى» بايقاۋى تالدىقورعان قالاسىنداعى №14 مەكتەپ-گيمنازياسىندا ءوتتى. بايقاۋعا اۋداندىق جارىستاردان ۇزدىك تانىلعان 18 ءبىلىم شاڭىراعى قاتىسىپ، باق سىنادى. ۇستازدار ءوز ۇجىمدارىنداعى جاس ۇرپاققا ساپالى ءبىلىم، سانالى تاربيە بەرۋدىڭ سان قىرلارىن، وزىق تەحنولوگيانى قولدانۋ، شىعارماشىلىق ىزدەنىستەرىن اشىپ كورسەتۋگە ۇمتىلدى. قازىلاردىڭ جوعارى تالعامىنان كورىنگەن كوكسۋ اۋدانىنداعى قازاق مەكتەپ-گيمنازياسى «ۇزدىك اۋىل مەكتەبى-2011» اتاعىنا يە بولدى. ال، ەڭبەكشىقازاق اۋدانىنداعى و.جاندوسوۆ اتىنداعى ورتا مەكتەپ ەكىنشى، اقسۋ اۋدانى قاراكەمەر ورتا مەكتەبىنىڭ پەداگوگيكالىق ۇجىمى ءۇشىنشى ورىننان كورىندى. كۇمىسجان بايجان. الماتى وبلىسى.
سوڭعى جاڭالىقتار

بىرنەشە وڭىردە قار جاۋادى

قازاقستان • بۇگىن، 09:13

ەكونوميكالىق ىنتىماقتاستىق

پرەزيدەنت • بۇگىن، 08:45

«التىن ساپا» جەڭىمپازدارى

پرەزيدەنت • بۇگىن، 08:35

ءمانى ەرەكشە سەمينار

ساياسات • بۇگىن، 08:28

قاراۋسىز بالا قايدان شىعادى؟

ساياسات • بۇگىن، 08:26

قوعامدىق باقىلاۋ كۇشەيەدى

ساياسات • بۇگىن، 08:24

Fitch راستادى

ەكونوميكا • بۇگىن، 08:22

جەكە تۇلعا بانكروتتىعى

قوعام • بۇگىن، 08:14

بارلىق ۇيگە جىلۋ بەرىلدى

ايماقتار • بۇگىن، 08:12

جىلىتۋ قۇرالدارى جونەلتىلدى

ايماقتار • بۇگىن، 08:10

ەڭبەك پەن تاربيە – ەگىز ۇعىم

ايماقتار • بۇگىن، 08:06

قايتا كۇشەيگەن كوروناۆيرۋس

كوروناۆيرۋس • بۇگىن، 08:04

وقۋ ورداسىنىڭ بەلەسى

ايماقتار • بۇگىن، 08:02

تاريحى تەرەڭ، ءبىلىمى بەرەن

ءبىلىم • بۇگىن، 08:00

سىرباز سۋرەتكەر

ادەبيەت • بۇگىن، 07:59

قاجىمۇقان مەن كارل

ادەبيەت • بۇگىن، 07:56

اڭىزعا بەرگىسىز عۇمىر

قوعام • بۇگىن، 07:54

قۇندىزعا قۇرىلعان فوتوتۇزاق

ايماقتار • بۇگىن، 07:48

تاۋ-تاۋ قوقىس كادەگە جاراسا...

ەكولوگيا • بۇگىن، 07:46

مادەني دەمالىس

قوعام • بۇگىن، 07:44

سۋرەتتەگى وي ساۋلەسى

ونەر • بۇگىن، 07:40

جۇلدەگەر اتاندى

سپورت • بۇگىن، 07:38

كىشى «كۇمىسكە» يە بولدى

سپورت • بۇگىن، 07:36

جەڭىس جالعاسىن تاپتى

سپورت • بۇگىن، 07:34

تارتىسقا تولى تۋرنير

سپورت • بۇگىن، 07:30

ۇلت ۇستازى ۇلىقتالدى

احمەت بايتۇرسىن ۇلى • كەشە

ۇقساس جاڭالىقتار