ءسىز نە دەيسىز؟..

قىستان قىسىلمايمىز اقسۋ قالاسىنان بىزگە حابار­لاسقان تۇرعىندار بيىلعى قىس­تان بىلتىرعىداي اپاتتى جاع­دايلار ورىن الىپ, قيىندىق كورىپ قالمايمىز با دەگەن­ قاۋىپ­ت­ەرىن ايتىپ حابارلاسقان بو­لا­تىن. وتىز جىلدان اسا ۋاقىت كۇردەلى جوندەۋ جۇمىستارى جۇرگىزىلمەگەن سۋ قۇبىرلارىنىڭ, جىلۋ جەلىلەرىنىڭ ادەتتە سۋىق تۇسە باستاعاندا سىر بەرەتىنى بار. وسى جەردەگى فەرروقورىتپا زاۋىتى, “ەۋرازيالىق ەنەرگە­تي­كالىق كورپوراتسياسى” ءتارىزدى ءىرى كاسىپورىنداردىڭ تۇتىنۋشى­لار­عا قىزمەت كورسەتۋدەن باس تارتۋى, ەلەكتر ەنەرگياسىنىڭ, جانار-جاعار ماي ماتەريال­دا­رى مەن باسقا دا تاۋارلى ما­تە­ريالدار باعالارىنىڭ قىم­باتتاۋى تۇرعىنداردى ءبىراز اۋرە-سارساڭعا سالاتىنى تاعى انىق. سونىمەن, بيىلعى قىس قالاي بولار ەكەن؟ “ەگەمەن قازاقستاننىڭ” پاۆلودار وبلىسىنداعى ءتىلشىسى فاريدا بىقاي اقسۋ قالاسىنىڭ اكىمى ورازكەلدى قايىركەلدينوۆكە: – ءسىز بۇعان نە دەيسىز؟.. – ايتىلعان ماسەلە دۇرىس. تۇر­عىنداردىڭ الاڭداۋىنا دا نەگىز بار. ال بىراق بيىلعى قىس­تان قالاي شىعامىز دەپ قورقىپ-ۇركۋگە ەندى نەگىز جوق قوي دەپ ويلايمىن. جالپى, وبلىس جانە قالا باسشىلىعى تاراپىنان قا­بىلدانعان شۇعىل ارەكەتتەردىڭ ناتيجەسىندە  وتكەن جىلى 38,6 ميلليون تەڭگە قارجى ءبولىنىپ, ۇزىندىعى 8,7 شاقىرىم قۇبىر اۋىس­تىرىلدى. بولىنگەن قارجى كوزىنە قورشالعان بوگەن تۇرعى­زىلىپ,  ارناسى تازالانىپ,  ۋا­قىت­شا سۋ تاراتقىش قۇرىلدى. توتەنشە جاعدايلار جونىندەگى دە­پارتامەنت, ازاماتتىق قورعا­نىس, اپاتتى جويۋ جانە الدىن الۋ  مەكەمەلەرىنىڭ ماماندارى   جاع­دايدى زەرتتەۋ ماقساتىندا بىرنەشە رەت كەلىپ, قالانىڭ سۋ شارۋاشىلىعى قۇرىلىسىن تو­لى­عىمەن قايتا قۇرۋ, جاڭارتۋ قا­جەت دەگەن قورىتىندى شىعاردى. وبلىس اكىمى  باقىتجان سا­عىن­تاەۆ ۇكىمەت باسشىسى كارىم ماسىموۆكە حات جولداپ, قالاداعى سۋ قۇبىرلارىندا قالىپتاسقان اپاتتى جاعدايعا وراي قارجى ءبولۋدى سۇرادى. ماماندار نەگىزگى سۋ جيناعىشتا اپاتتى جاعداي تۋىنداعانىن جانە كۇردەلى ءجون­دەۋ جۇمىستارىنىڭ جۇرگىزىلمەۋى قالاعا سۋ جەتكىزۋدى تولىق شەك­تەپ,  سۋ باسۋ قاۋپى بار  ەكەندىگىن جانە ونى قىسقا مەرزىمدە توق­تاتۋ مۇمكىن ەمەستىگىن مويىن­دادى. ۇكىمەت حاتتى قابىل الىپ, مامىر ايىندا  قالانىڭ سۋ شا­رۋا­شىلىعى نىساندارىن قايتا قۇرۋعا 374,5 ميلليون تەڭگە,  سۋ جيناعىش جانە سۋ سورعى ستان­سا­لارىن قايتا قۇرۋعا 227,1 ميل­ليون تەڭگە, قىسىمدى كارىز كول­لەكتورىنا 147,4 ميلليون تەڭگە ءبولدى. بۇگىنگى تاڭدا  جازدان باستاپ قىزۋ جۇمىس جۇرگىزىلدى. سۋ جي­ناعىشقا سورعى اگرەگاتى بار سۋ تاراتقىش سالىندى, ءتۇبى ءتۇرلى قو­قىستان تازارتىلىپ, توعان قۇ­رىلىسى جاسالدى, سۋ قابىل­دا­عىش كامەرادان سورعى ستانسا­سى­نا دەيىن سۋ تاراتقىش قۇبىر­لار­دى اۋىستىرۋ جۇمىستارى ءجۇر­گى­زىلدى. ديامەترى 630 ميلليمەتر قۇبىرلار توسەلدى. ەندى قالا تۇرعىندارى قىستى قيىندىقسىز وتكىزەدى دەگەن سەنىم بار. پاۆلودار وبلىسى, اقسۋ قالاسى.