الماتى گارنيزونىنىڭ اسكەري سوتىندا تالدىقورعانداعى اسكەري بولىمدەردىڭ بىرىندە مەرزىمدى اسكەري قىزمەت وتكەرگەن ساربازدىڭ قازا بولۋ فاكتىسىنە قاتىستى قىلمىستىق ءىستى قاراۋ اياقتالدى, دەپ حابارلايدى Egemen.kz.
2025 جىلعى 23 قىركۇيەكتە جەكە قۇرامنىڭ قارۋمەن جۇمىس ىستەۋ بارىسىندا پۋلەمەتتەن ابايسىزدا وق اتىلىپ, ونىڭ سالدارىنان وق جاراقاتىن العان قاتارداعى جاۋىنگەر ءا. سەيتقالي قايتىس بولدى.
ءىس بويىنشا قاداعالاۋدى جۇرگىزۋ بارىسىندا اسكەري پروكۋرورلار قايعىلى وقيعانىڭ بارلىق ءمان-جايلارىن انىقتاۋعا جانە دالەلدەمەلەردى جيناقتاۋعا باعىتتالعان قاجەتتى تەرگەۋ جانە پروتسەستىك ارەكەتتەردىڭ تولىق جۇرگىزىلۋىن قامتاماسىز ەتتى.
وسكەمەندەگى سارباز ءولىمى: ءۇش اسكەري قىزمەتشى قىزمەتىنەن بوساتىلدى
تەرگەپ-تەكسەرۋ بارىسىندا باتالون كومانديرىنىڭ ورىنباسارى قارۋدى پايدالانۋ كەزىندە قاۋىپسىزدىك تالاپتارىنىڭ ساقتالۋىن قامتاماسىز ەتپەگەنى, سونداي-اق الدىڭعى وتكىزىلگەن اتىستاردان كەيىن قارۋدى تولىق تەكسەرۋدى ۇيىمداستىرماعانى انىقتالدى. سونىڭ سالدارىنان ۇڭعىدا قالىپ قويعان وق اسكەري قىزمەتشىنىڭ قازا بولۋىنا سەبەپ بولدى.
سوت تالقىلاۋىنىڭ قورىتىندىسى بويىنشا اتالعان لاۋازىمدى تۇلعا قىلمىستىق كودەكستىڭ 453-بابىنىڭ 2-بولىگىمەن (اۋىر زارداپتارعا اكەپ سوققان قىزمەتكە سالعىرت قاراۋ) كىنالى دەپ تانىلىپ, 4 جىلعا باس بوستاندىعىنان ايىرۋ جازاسىنا سوتتالدى. ۇكىم زاڭدى كۇشىنە ەنگەن جوق.
سارباز ءولىمى: سوتتالعان جىگىتتىڭ اناسى سوت شەشىمىمەن كەلىسپەيتىنىن ايتتى