الماتىدا Audi ماركالى اۆتوكولىك جۇرگىزۋشىسى بەس جاياۋ جۇرگىنشىنى قاعىپ كەتتى, دەپ حابارلايدى Egemen.kz.
قالالىق پوليتسيا دەپارتامەنتىنىڭ مالىمەتىنشە, جول-كولىك وقيعاسى زەنكوۆ كوشەسىندە بولعان. الدىن الا دەرەك بويىنشا, وڭتۇستىك باعىتتا كەلە جاتقان Audi جۇرگىزۋشىسى جولدىڭ ءجۇرۋ بولىگىندە تۇرعان بەس جاياۋ جۇرگىنشىنى قاعىپ كەتكەن.
سوعان قاراماستان ول قوزعالىسىن جالعاستىرىپ, جول جيەگىندە تۇرعان Toyota كولىگىنە سوقتىعىسقان.
«سوقتىعىس سالدارىنان Toyota ينەرتسيامەن جانىندا تۇرعان Subaru اۆتوكولىگىنە سوعىلعان. وقىس جاعداي بولعان ساتتە كولىك يەلەرى سالوندا بولماعان», دەپ مالىمدەدى پوليتسيا.
استانادا جۇك كولىگى ايەلدى قاعىپ كەتتى
وقيعادان زارداپ شەككەن بەس ادامعا العاشقى مەديتسينالىق كومەك كورسەتىلدى. قازىرگى ۋاقىتتا قۇقىق قورعاۋ ورگاندارى جول اپاتىنىڭ بارلىق ءمان-جايىن انىقتاپ جاتىر.
ەسكە سالايىق, بۇعان دەيىن ارىس قالاسىندا جول تالعامايتىن كولىك تىزگىندەگەن 52 جاستاعى مۇعالىم ايەل جوعارى جىلدامدىقپەن قورشاۋدى بۇزىپ ءوتىپ, ورىندىقتا وتىرعان التى ادامدى قاعىپ كەتكەن بولاتىن. سالدارىنان ءۇش ادام وقيعا ورنىندا كوز جۇمدى. تاعى ءۇش ادام اۋىر جاعدايدا اۋرۋحاناعا جەتكىزىلگەن.