گەننادي گولوۆكين – قازاقستاننىڭ برەندىنە اينالعان تۇلعا. تۋريزم جانە سپورت ءمينيسترى ەربول مىرزابوسىنوۆ ۇكىمەتتە وتكەن بريفينگ بارىسىندا وسىنداي پىكىر ءبىلدىردى, دەپ حابارلايدى Egemen.kz.
اتاقتى سپورتشى قازىر ۇلتتىق وليمپيادالىق كوميتەتتىڭ پرەزيدەنتى لاۋازىمىن اتقارادى. وعان قوسا, 2025 جىلدىڭ قاراشا ايىندا گولوۆكين رەسمي تۇردە World Boxing حالىقارالىق فەدەراتسياسىنىڭ باسشىسى بولىپ سايلاندى. ۆەدومستۆو باسشىسى ەربول مىرزابوسىنوۆتىڭ پايىمداۋىنشا, وتانداسىمىز الەمدىك ارەنادا ۇلكەن تاريحي ناتيجەگە قول جەتكىزدى.
گولوۆكين الەمدەگى ەڭ ۇزدىك 10 بوكسشىنىڭ ءبىرى اتاندى
«گەننادي گولوۆكين – ءبىزدىڭ برەندىمىز. حالىقارالىق مايدانعا العاش رەت شىعىپ, اسا تانىمال سپورت ءتۇرىن باسقارعان تۇلعا. ءبىز ءۇشىن بۇل – ۇلكەن جەتىستىك. ويتكەنى وسىعان دەيىن حالىقارالىق ۇيىمداردا وتانداستارىمىز حالىقارالىق سپورت فەدەراتسيالارىن باسقارعان ەمەس», دەدى مينيستر ۇكىمەتتەگى بريفينگ بارىسىندا.
گولوۆكين پرەزيدەنت بولسا...
ءمينيستردىڭ سوزىنشە, الەمدىك تاجىريبەدە ماماننىڭ ءبىر مەزگىلدە حالىقارالىق سپورت فەدەراتسياسىن جانە ۇلتتىق وليمپيادالىق كوميتەتتى باسقارۋى قالىپتى جاعداي بولىپ سانالادى.
گولوۆكين قوشتاسۋ جەكپە-جەگىن قازاقستاندا وتكىزە مە؟