جۋرناليستەر ەكولوگيا جانە تابيعي رەسۋرستار ۆيتسە-ءمينيسترى نۇركەن شاربيەۆتەن ءۇش جىل بۇرىنعى «سەمەي ورمانى» اۋماعىنداعى ءىرى ورمان ورتىنەن كەيىن قانداي ساباق الىنعانىن جانە وسى ۋاقىت ىشىندە قانداي وزگەرىستەر بولعانىن سۇرادى, دەپ حابارلايدى Egemen.kz.
ۆيتسە-ءمينيستردىڭ ايتۋىنشا, قايعىلى وقيعادان كەيىن ورمان شارۋاشىلىعىن دامىتۋ مەن ءورت ءسوندىرۋ جۇيەسىن جاڭعىرتۋعا 20 ميلليارد تەڭگەدەن استام قارجى بولىنگەن.
وسى ۋاقىت ارالىعىندا ورمان شارۋاشىلىقتارى ءۇشىن 371 ءورت ءسوندىرۋ اۆتوكولىگى, 529 شاعىن ورمان ءورتىن ءسوندىرۋ كەشەنى, 853 تراكتور, 253 پاترۋلدىك اۆتوكولىك جانە باسقا دا ارنايى تەحنيكا ساتىپ الىنعان.
اۋماعى ميلليون گەكتاردان اساتىن «ارال ورمانى» رەزەرۆاتى قۇرىلادى
سونداي-اق مينيسترلىك مالىمەتىنشە, ورمان شارۋاشىلىعى قىزمەتكەرلەرىنىڭ جالاقىسى ەكى ەسە وسكەن. ءورت ءسوندىرۋ جۇمىستارىنا قاتىساتىن ماماندارعا قاۋىپتى ەڭبەك جاعدايى ءۇشىن 100 پايىزدىق ۇستەمەاقى ەنگىزىلگەن.
قازىرگى تاڭدا ءورت ءسوندىرۋ كولىگىنىڭ جۇرگىزۋشىسى ورتا ەسەپپەن 275 مىڭ تەڭگە, ورمان ءورت ءسوندىرۋشىسى شامامەن 250 مىڭ تەڭگە, ال ورمان ءورت ءسوندىرۋ ستانتسياسىنىڭ باسشىسى 355 مىڭ تەڭگە كولەمىندە جالاقى الادى.
ولجاس بەكتەنوۆ «سەمەي ورمانىندا» جي نەگىزىندەگى ءورتتى ەرتە انىقتاۋ جۇيەسىن تەكسەردى
مينيسترلىك وكىلدەرى «سەمەي ورمانى» رەزەرۆاتىندا ءورت ءسوندىرۋ تەحنيكاسىنىڭ پاركى تولىق جاڭارتىلعانىن دا اتاپ ءوتتى.