ەلىمىزدە الداعى كۇندەرى كۇن كۇركىرەپ, جاڭبىر جاۋادى

سينوپتيكتەردىڭ مالىمەتىنشە, ەل اۋماعىنىڭ باسىم بولىگىندە باتىس تسيكلونىنىڭ اسەرى ساقتالادى. سونىڭ سالدارىنان اۋا رايى قۇبىلمالى بولىپ, جاڭبىر جاۋىپ, نايزاعاي وينايدى. كەي وڭىرلەردە جەل كۇشەيىپ, بۇرشاق جاۋى ىقتيمال.

9-11 ماۋسىم كۇندەرى ەلىمىزدىڭ سولتۇستىك-باتىسىندا جانە سولتۇستىگىندە, ال 11 ماۋسىمدا وڭتۇستىك-شىعىس وڭىرلەرىندە جاۋىن-شاشىن كۇتىلەدى.

ال كەزەڭنىڭ باسىندا شىعىس ايماقتاردا, ال ورتاسىنان باستاپ وڭتۇستىك-باتىستا اۋا رايى نەگىزىنەن جاۋىن-شاشىنسىز بولادى.

تەمپەراتۋرالىق كورسەتكىشتەرگە كەلسەك, باتىس وڭىرلەردە كۇندىز اۋا تەمپەراتۋراسى +27...+35 گرادۋسقا دەيىن كوتەرىلەدى. سولتۇستىك وبلىستاردا اۋا تەمپەراتۋراسى +17...+28 گرادۋسقا دەيىن تومەندەيدى. سولتۇستىك-شىعىس پەن ورتالىق وڭىرلەردە اپتاپ ىستىقتىڭ بەتى قايتىپ, +25...+33 گرادۋس شاماسىندا بولادى.

ال وڭتۇستىك جانە وڭتۇستىك-شىعىس وڭىرلەردە +27...+35 گرادۋس ارالىعىندا ساقتالسا, شىعىستا كۇن رايى ءالى دە ىستىق بولىپ, اۋا تەمپەراتۋراسى +32...+39 گرادۋسقا دەيىن جەتەدى.

ەسكە سالا كەتەيىك, «قازگيدرومەت» ۇسىنعان بولجامعا سايكەس, ماۋسىم جانە تامىز ايلارى ادەتتەگىدەن ىستىق بولادى.