2026 جىلدىڭ قاڭتار − مامىر ايلارى ارالىعىندا قازاقستان بويىنشا اقىلى قىزمەتتەردىڭ باعاسى ورتا ەسەپپەن 10 پايىزعا ءوستى. بۇل رەتتە استانا قىزمەت كورسەتۋ سالاسىنداعى ينفلياتسيا دەڭگەيى ەڭ تومەن ءوڭىر رەتىندە تىركەلدى, دەپ حابارلايدى Egemen.kz.
ستاتيستيكالىق مالىمەتتەرگە سايكەس, ەلوردادا قىزمەتتەر قۇنى 7,5 پايىزعا قىمباتتاعان. الماتىدا بۇل كورسەتكىش 9,2 پايىزدى, ال شىمكەنتتە 9,5 پايىزدى قۇرادى.
قىزمەت كورسەتۋ باعاسىنىڭ ەڭ جوعارى 15,9 پايىز ءوسىم سولتۇستىك قازاقستان وبلىسىندا بايقالدى. ودان كەيىن اتىراۋ وبلىسى (14,9%) مەن تۇركىستان وبلىسى (13,1% پايىز) تۇر. الماتى (12,4%) مەن پاۆلودار وبلىستارى دا (12%) وسى قاتاردان تابىلىپ وتىر.
ال ەڭ تومەن ءوسىم بايقالعان وڭىرلەر قاتارىندا استانا (7,5%), ماڭعىستاۋ وبلىسى (8,3%), اقمولا وبلىسى (8,5%), شىعىس قازاقستان وبلىسى (9%) مەن الماتى قالاسى 9,2% بار.
ينفلياتسيا باياۋلادى: قازاقستاندا وتكەن جىلمەن سالىستىرعاندا نە ارزاندادى؟
ساراپشىلاردىڭ ايتۋىنشا, قىزمەت كورسەتۋ سالاسىنداعى باعا وزگەرىسى وڭىرلەردىڭ ەكونوميكالىق ەرەكشەلىكتەرىنە, ەڭبەك نارىعىنا, حالىق تابىسى مەن باسەكەلەستىك دەڭگەيىنە تىكەلەي بايلانىستى. سوندىقتان ءار ايماقتاعى ينفلياتسيا قارقىنى ءارتۇرلى قالىپتاسادى.
ەسكە سالا كەتەيىك, بۇعان دەيىن ۇلتتىق ەكونوميكالىق زەرتتەۋلەر بيۋروسى 2026 جىلدىڭ جەلتوقسانىنا قاراي جىلدىق ينفلياتسيا 10,4%-عا دەيىن تومەندەۋى مۇمكىن ەكەندىگىن مالىمدەگەن بولاتىن.