قاسىم-جومارت توقاەۆ II ابداللا بەن ءال-حۋسەين مەن ونىڭ وتانداستارىن يوردانيانىڭ ءتول مەرەكەسى – كورولدىڭ تاققا وتىرعان كۇنىمەن قۇتتىقتادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
مەملەكەت باسشىسى ەكى ەل اراسىنداعى دوستىق پەن ءوزارا قولداۋ رۋحىنداعى سان قىرلى ىنتىماقتاستىق قوس حالىقتىڭ يگىلىگى جولىندا قارقىندى دامي بەرەتىنىنە سەنىم ءبىلدىردى.
پرەزيدەنت كورولدىڭ جاۋاپتى قىزمەتىنە تولاعاي تابىس, ال يوردانيا حالقىنا قۇت-بەرەكە تىلەدى.
ەسكە سالا كەتەيىك, كەشە مەملەكەت باسشىسى ارمەنيا پرەمەر-ءمينيسترى نيكول پاشينياندى «ازاماتتىق كەلىسىم» پارتياسىنىڭ پارلامەنتتىك سايلاۋداعى جەڭىسىمەن قۇتتىقتادى.