ەل اۋماعىندا «نايزا-انتيتەررور-2026» تەرروريزمگە قارسى وقۋ-جاتتىعۋى ءوتىپ جاتىر, دەپ حابارلايدى Egemen.kz.
ۇلتتىق قاۋىپسىزدىك كوميتەتىنىڭ تەرروريزمگە قارسى ورتالىعى ۇيىمداستىرعان شارا 5 ماۋسىمدا باستاۋ العان. وقۋ-جاتتىعۋ 30 ماۋسىمعا دەيىن جالعاسادى.
«ازاماتتاردى جۇرگىزىلىپ جاتقان وقۋ-جاتتىعۋعا تۇسىنىستىكپەن قاراۋعا شاقىرامىز. جەكەلەنگەن اۋدانداردا اۆتوكولىك قوزعالىسىن ۋاقىتشا شەكتەۋ كوزدەلگەن. قاۋىپسىزدىك شارالارىن ساقتاۋدى جانە مەملەكەتتىك ورگان قىزمەتكەرلەرىنىڭ زاڭدى تالاپتارىن ورىنداۋدى سۇرايمىز. تەك رەسمي اقپاراتتى باسشىلىققا الىپ, جالعان مالىمەتتەردىڭ تارالۋىنا جول بەرمەۋلەرىڭىزدى سۇرايمىز», دەلىنگەن حابارلامادا.
ايتا كەتەيىك, مامىردىڭ سوڭعى ونكۇندىگىندە قازاقستان قۇتقارۋشىلارى تاجىكستانداعى وقۋ-جاتتىعۋعا اتتانعان بولاتىن.