باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ قىلمىستىق قاۋىپ-قاتەرلەردى بولجاۋ ورتالىعى الاياقتاردىڭ Telegram اككاۋنتتارىنا بۇزىپ كىرۋدىڭ جاڭا سحەماسى تۋرالى ەسكەرتتى, دەپ حابارلايدى Egemen.kz.
شەتەلدىك دەرەككوزدەردىڭ مالىمەتىنشە, الاياقتار پايدالانۋشىلارعا Telegram-نىڭ رەسمي قولداۋ قىزمەتى اتىنان جالعان حابارلامالار جىبەرىپ وتىر. مۇنداي حابارلامالاردا اككاۋنتتى جويۋ تۋرالى سۇراۋ سالۋ كەلىپ تۇسكەنى, ال ونى بولدىرماۋ ءۇشىن شۇعىل تۇردە ارنايى باتىرمانى باسۋ قاجەت ەكەنى كورسەتىلەدى.
«ادەتتە الاياقتار پايدالانۋشىنى ۋاقىتپەن شەكتەپ, اككاۋنتتى جويۋدى تەك 24 ساعات ىشىندە عانا توقتاتۋعا بولاتىنىن حابارلايدى. سونداي-اق كورسەتىلگەن مەرزىم وتكەننەن كەيىن اككاۋنت, حات الماسۋلار, فايلدار مەن كونتاكتىلەر قايتارىمسىز جويىلاتىنى تۋرالى ەسكەرتەدى.ء ىس جۇزىندە, بۇل سحەما پسيحولوگيالىق قىسىم جاساۋعا نەگىزدەلگەن: الاياقتار پايدالانۋشىنىڭ اككاۋنتقا قولجەتىمدىلىكتى جوعالتىپ الۋ قورقىنىشىن پايدالانىپ, ونى اسىعىس ارەكەت جاساۋعا يتەرمەلەيدى. باتىرمانى باسقاننان كەيىن پايدالانۋشى Telegram-بوتقا نەمەسە جالعان پاراقشاعا باعىتتالادى. ول جەردە SMS ارقىلى نەمەسە مەسسەندجەردەن كەلگەن راستاۋ كودىن ەنگىزۋ سۇرالادى», دەلىنگەن اقپاراتتا.
«وتباسى ءتاريفى» ارقىلى الدايدى: جاڭا ينتەرنەت-الاياقتىق سحەماسى انىقتالدى
ءىس جۇزىندە اككاۋنتتى جويۋدى بولدىرمايتىن ەشقانداي ءراسىم جوق. كودتى ەنگىزۋ ارقىلى پايدالانۋشى الاياقتارعا ءوز اككاۋنتىنا قولجەتىمدىلىكتى ءوز قولىمەن بەرەدى.
ايتا كەتەيىك, Telegram-نىڭ رەسمي قولداۋ قىزمەتى ەشقاشان پايدالانۋشىلاردان ءۇشىنشى تاراپ بوتتارى نەمەسە كۇماندى سىلتەمەلەر ارقىلى راستاۋ كودتارىن, قۇپياسوزدەردى نەمەسە اككاۋنتقا كىرۋگە قاجەتتى وزگە دە دەرەكتەردى سۇرامايدى.
الاياقتار اككاۋنتتى باقىلاۋعا العاننان كەيىن حات-حابارلاردى وقۋعا, جەكە دەرەكتەرگە قولجەتىمدىلىك, اككاۋنت يەسىنىڭ اتىنان حابارلامالار جىبەرۋگە, كونتاكتىلەردەن اقشا اۋدارۋدى سۇراۋعا جانە باسقا الاياقتىق شابۋىلدار ءۇشىن پايدالانۋعا مۇمكىندىك الادى.
ينتەرنەتتەگى ساۋدادا ساق بولىڭىز: جاڭا الاياقتىق ءادىس انىقتالدى
الاياقتىق حابارلامانىڭ نەگىزگى بەلگىلەرى:
جىبەرۋشى ءوزىن قولداۋ قىزمەتىنىڭ وكىلى رەتىندە تانىستىرادى, بىراق رەسمي راستالعان مارتەبەسى جوق; حابارلامادا شۇعىل تۇردە سىلتەمە ارقىلى ءوتۋدى نەمەسە بوتتى پايدالانۋدى تالاپ ەتەدى; پايدالانۋشىدان SMS نەمەسە Telegram ارقىلى كەلگەن راستاۋ كودىن ەنگىزۋدى سۇرايدى; اككاۋنتتى جوعالتۋ قاۋپى مەن اسىعىستىق سەزىمىن قالىپتاستىرادى; حابارلاما جىبەرۋشىنىڭ اككاۋنتى جاقىندا قۇرىلعان, اتاۋىن وزگەرتكەن نەمەسە كۇماندى بەلگىلەرى بار; ماتىندە وعاش تۇجىرىمدار, قاتەلەر نەمەسە كۇماندى سىلتەمەلەر كەزدەسەدى.ۋكرايناداعى الاياقتىق: قازاقستان ازاماتتارىن الداپ كەلگەن 53 شەتەل ازاماتى ۇستالدى
اككاۋنتتى قورعاۋ ءۇشىن كەلەسى ءىس-شارالار ۇسىنىلادى:
راستاۋ كودتارى مەن قۇپياسوزدەردى ەشكىمگە حابارلاماڭىز; كۇماندى حابارلامالارداعى سىلتەمەلەرگە وتپەڭىز; Telegram دەرەكتەرىن بوگدە پاراقشالاردا نەمەسە بوتتاردا ەنگىزبەڭىز; قوسىمشانىڭ باپتاۋلارىندا ەكى كەزەڭدى اۋتەنتيفيكاتسيانى قوسىڭىز; «قۇرىلعىلار» بولىمىندەگى بەلسەندى سەانستاردى تۇراقتى تۇردە تەكسەرىڭىز; بەلگىسىز نەمەسە كۇماندى قوسىلىمداردى اياقتاڭىز; اقپاراتتى تەك Telegram-نىڭ رەسمي ارنالارىنان جانە باپتاۋلارىنان الىڭىز.اقپاراتتى تەكسەرۋگە كەتكەن بىرنەشە مينۋت اككاۋنتىڭىزدى, جەكە دەرەكتەرىڭىزدى جانە جاقىندارىڭىزدى ىقتيمال زياننان قورعاۋعا كومەكتەسەدى.
بانك باسشىسىنىڭ بەينەسىن قولدانعان: جەلىدە الاياقتىقتىڭ جاڭا ءتۇرى پايدا بولدى