كىتاپ وقۋ مادەنيەتىن دامىتۋ ماسەلەلەرى تالقىلاندى

جيىنعا وقۋ-اعارتۋ ءمي­نيسترى جۇلدىز سۇلەي­مەنوۆا, سونداي-اق مادەنيەت جانە اقپارات, ۇلتتىق ەكونوميكا, جاساندى ينتەللەكت جانە تسيفرلىق دامۋ, عىلىم جانە جوعارى ءبىلىم, قورعانىس, ىشكى ىستەر مينيسترلىكتەرىنىڭ وكىلدەرى قاتىستى.

كەڭەس بارىسىندا قاتىسۋ­شىلاردىڭ باياندا­ما­لارى تىڭدالدى. مادەنيەت جانە اق­پارات ۆيتسە-ءمينيسترى رۋستام ءالي كەشەندى جوس­پاردىڭ نەگىزگى باعىتتارىن تانىستىر­دى. قۇجات كىتاپحانا ءىسىن دامىتۋ, وقۋ مادە­نيەتىن ىلگەرىلەتۋ جانە زاماناۋي تسيفرلىق ينفراقۇرىلىم قالىپتاستىرۋ شارالارىن قامتيدى.

كەشەندى جوسپار 9 نەگىزگى باعىتتان تۇرىپ, 50-گە جۋىق ءىس-شارانى كوزدەيدى. ولاردىڭ قاتارىندا كىتاپ سالاسىن قۇقىق­تىق تۇرعىدان جەتىلدىرۋ ماسەلەسى دە بار.

ۆەدومستۆو مالىمەتىنشە, بۇگىندە ەلدە 3 887 كوپشىلىك كىتاپحانا جۇمىس ىستەيدى. ولاردىڭ جالپى كىتاپ قورى 72,5 ميلليوننان اسادى. 2025 جىلى كىتاپحانالارعا كەلۋشىلەر سانى 57 ميلليوننان اسىپ, رەكوردتىق كورسەتكىشكە جەتتى.

بيىل 4 كىتاپحانا جاڭعىر­تىلىپ, 6 جاڭا كىتاپحانا اشىلدى. جىل سوڭىنا دەيىن تاعى 24 كىتاپحانانى جاڭعىرتۋ جوسپارلانعان.

ايدا بالاەۆا كىتاپحانالار قىزمەتىنە جان-جاقتى تالداۋ جۇرگىزۋدى تاپسىردى. تالداۋ بارىسىندا ينفراقۇرىلىمنىڭ جاي-كۇيى, كىتاپ قورىمەن قامتاماسىز ەتىلۋ دەڭگەيى جانە وقىرمان سۇرانىسى ەسكەرىلۋگە ءتيىس. ناتيجەسىندە, اسىرەسە بالالار مەن جاس­تار ادەبيەتى بويىنشا تاپشىلىقتاردى انىقتاپ, كىتاپحانا قورىن تولىقتىرۋعا قاتىستى ناقتى ۇسىنىستار ازىرلەۋ قاجەت.

بالالار مەن جاستار اراسىندا وقۋ مادە­نيەتىن دامىتۋ باعى­تىنداعى جۇمىستار تۋرالى وقۋ-اعارتۋ ءمينيسترى جۇلدىز سۇلەي­مەنوۆا باياندادى. مينيسترلىك وقۋشى­لاردىڭ كوركەم ادەبيەتكە قولجەتىم­دىلىگىن ارتتىرۋ ماق­ساتىندا «بالا­لار كىتاپحاناسى» جانە «وقىر­مان» پلاتفورمالارىن ىسكە قوستى.

سونىمەن قاتار ءبىلىم ۇيىم­دارىندا وقىرمان كلۋب­تارىنىڭ جۇمىسىن دامىتۋ كوزدەلگەن. وسى نەگىزدە «كىتاپ وقيتىن مەكتەپ» بىرىڭعاي مودەلى ەنگىزىلىپ, «بىرگە وقيىق» جوباسى جۇزەگە اسىرىلماق. جوبا اياسىندا اتا-انالار مەن پەداگوگتەردىڭ ۇلگىسى ارقىلى بالالاردىڭ كىتاپ وقۋعا قىزىعۋشىلىعىن ارتتىرۋ جوسپارلانعان.

عىلىم جانە جوعارى ءبىلىم ۆيتسە-ءمينيسترى گۇلزات كوبەنوۆا ستۋدەنت جاستار اراسىندا كىتاپ وقۋ مادە­نيەتىن دامىتۋ باعى­تىنداعى جۇمىستاردى تانىس­تىردى. بۇل رەتتە جوعارى وقۋ ورىندارى­نىڭ كىتاپحا­نالارىن جاڭ­عىرتۋ جانە ستۋ­دەنتتىك وقىر­مان كلۋبتارىنىڭ جۇ­مىسىن جانداندىرۋ ماسە­لەلەرىنە باسىمدىق بەرىلمەك.

كەڭەس قورىتىندىسىن­دا عىلىم جانە جوعارى ءبىلىم مي­نيسترلىگىنە سالالىق ادەبيەت­تەرمەن قامتاماسىز ەتۋ دەڭ­گەيىنە تالداۋ جۇرگىزۋ جانە پەداگوگ كادرلاردى دايارلاۋ­دا قولدانىلاتىن وقۋ ماتەريال­دارىنىڭ مازمۇنىن زەردەلەۋ تاپسىرىلدى.

سونداي-اق قورعانىس جانە ىشكى ىستەر مينيسترلىكتەرىنە قاراستى ۇيىمداردىڭ كىتاپ­حانا قورلارىنا تالداۋ جۇرگىزۋ مىندەتى جۇكتەلدى. اسكەري بولىمدەر مەن ۆەدومستۆو­لىق مەكەمەلەردى زاماناۋي ءارى مازمۇن­دى ادەبيەتتەرمەن قامتاماسىز ەتۋ قاجەت­تىگى اتاپ ءوتىلدى. تالداۋ ناتيجەلەرى بويىنشا كىتاپحانا قورلارىن جاڭارتۋ جانە تولىق­تىرۋ جونىندە ناقتى ۇسىنىستار ازىرلەنبەك.