يناباتتىڭ يگىلىكتى ىزدەنىسى

ول بيىل اتىراۋ قالاسىنداعى نازارباەۆ زياتكەرلىك مەكتەبىنىڭ 12-سىنىبىن بىتىرگەلى وتىر. بىلتىردان بەرى تابيعاتقا زيانسىز بيوپلاستيكتى زەرتتەۋدى قولعا الدى. ونەرتاپقىش وقۋشىنىڭ پىكىرىنشە, جاڭا ءونىم قورشاعان ورتاعا قاۋىپ توندىرمەيتىن تابيعي قوسپالاردان دايىندالادى.

«بۇل بيوپلاستيكتىڭ قولدانىستاعى تۇرىنەن ايىرماشىلىعى كوپ. بىرىنشىدەن, سۋعا توزىمدىلىگىمەن ەرەكشەلەنەدى. ەكىنشىدەن, توپىراقتا ءبىر ايدىڭ ىشىندە 80 پايىزعا دەيىن ىدىرايدى. جەتەكشىممەن بىرگە جوبانى سىناقتان وتكىزۋ ءۇشىن بىرنەشە تاجىريبەلىك ۇلگى ازىرلەدىك. الداعى ۋاقىتتا زەرتتەۋىمدى ودان ءارى جالعاستىرىپ, پاكەت جاساۋعا نيەتتەنىپ ءجۇرمىن. اسىرەسە تاماق جەتكىزۋ قىزمەتى مەن دۇكەندەرگە ارنالعان قاپتاما رەتىندە قولدانۋعا بولادى», دەيدى ينابات.

اتالعان وقۋ ورنىنىڭ بيولوگيا ءپانىنىڭ مۇعالىمى لازيفا قايراتحاننىڭ ايتۋىنشا, قازىر قولدانىلىپ جۇرگەن پلاستيكتەن ورتەنگەن كەزدە ۋلى زاتتار بولىنەدى. توپىراقتاعى پلاستيك جۇزدەگەن جىل بويى جويىلماۋى مۇمكىن. پلاستيكتىڭ زاردابى ادام دەنساۋلىعىنا كەرى اسەر ەتىپ, ءتۇرلى اۋرۋلاردىڭ تۋىنداۋىنا سەبەپ بولاتىنى دالەلدەنگەن.

ء«بىزدىڭ مەكتەبىمىزدە وقۋشىلار جەتەكشى ۇستازىمەن بىرگە ءوز جوبالارىن جۇزەگە اسىرادى. ماسەلەن, پلاستيكالىق ىدىستار مەن پاكەتتەر جينالىپ, ەكىنشى رەت وڭدەۋگە جىبەرىلەدى. ەكىنشى رەت وڭدەۋ كەزىندە كۇيدىرەدى, جاعادى. بۇل كەزدە حيميالىق قوسپالار بولىنەدى. سوندىقتان ءبىز تابيعي جولىن ىزدەۋگە تىرىستىق», دەيدى يناباتتىڭ ۇستازى.

اتىراۋ وبلىسى