تۇركيانىڭ چاناككالە پروۆينتسياسىندا جولاۋشىلار اۆتوبۋسى اۋدارىلىپ, 46 ادام زارداپ شەكتى, دەپ جازادى Egemen.kz.
مالىمەتكە سايكەس, انكارا – چاناككالە باعىتىمەن كەلە جاتقان اۆتوبۋستىڭ جۇرگىزۋشىسى بيگا اۋدانىنا كىرەبەرىستە كولىك تىزگىنىنە يە بولا الماي قالعان. سونىڭ سالدارىنان اۆتوبۋس اۋدارىلىپ كەتكەن.
وقيعا ورنىنا جەدەل قىزمەت وكىلدەرى تارتىلىپ, زارداپ شەككەندەر اۋرۋحاناعا جەتكىزىلدى.
اتالعان فاكتى بويىنشا تەرگەۋ جۇرگىزىلىپ جاتىر.
بۇعان دەيىن شىعىس قازاقستان وبلىسىندا جانتۇرشىگەرلىك جول اپاتىنان ءۇش جىگىت كوز جۇمعانى تۋرالى جازدىق.