ءفيليپپيننىڭ سولتۇستىگىندەگى پامپانگا پروۆينتسياسىنا قاراستى انحەلەس قالاسىندا وپىرىلىپ قۇلاعان عيمارات ۇيىندىلەرىنىڭ استىندا شامامەن 30-40 جۇمىسشى قالىپ قويۋى مۇمكىن, دەپ حابارلايدى Egemen.kz.
مالىمەتكە سايكەس, سالىنىپ جاتقان 9 قاباتتى عيماراتتىڭ قۇلاۋىنا قولايسىز اۋا رايى سەبەپ بولعان. بۇعان دەيىن جەرگىلىكتى باسىلىمدار قالادا نوسەر جاۋىن مەن قاتتى جەل بولعانىن حابارلادى.
وقيعا ورنىنا سالداردى جويۋ ءۇشىن 100-دەن استام پوليتسيا قىزمەتكەرى مەن باسقا دا مەملەكەتتىك قىزمەتكەرلەر جۇمىلدىرىلدى. جەرگىلىكتى پوليتسەيلەردىڭ ءبىرىنىڭ ايتۋىنشا, وسى ۋاقىتقا دەيىن ءۇيىندى استىنان 26 ادام قۇتقارىلدى.
ىزدەۋ-قۇتقارۋ وپەراتسياسى جالعاسىپ جاتىر, الايدا ءۇيىندى ورتاسىنا جەتۋ قيىنعا سوعىپ وتىر.
ايتا كەتەيىك, قىتايداعى كومىر شاحتاسىندا گاز جارىلىپ, 90 ادام قازا تاپتى.