ايتەكە بي اۋدانىنىڭ قياقتى اۋىلىندا جەرگىلىكتى اتقارۋشى ورگاندار, قوعام وكىلدەرى جانە پوليتسيا قىزمەتكەرلەرىنىڭ قاتىسۋىمەن پروفيلاكتيكالىق كەزدەسۋ ءوتتى, دەپ حابارلايدى Egemen.kz
ءىس-شاراعا اۋىل اكىمى, اۋىل اقساقالدارى, پوليتسيا قىزمەتكەرلەرى جانە اۋىل تۇرعىندارى قاتىستى.
كەزدەسۋ بارىسىندا قۇقىقبۇزۋشىلىقتىڭ الدىن الۋ, سالاۋاتتى ءومىر سالتىن ناسيحاتتاۋ, قوعامدىق ءتارتىپتى نىعايتۋ جانە اۋىلداعى قولايلى الەۋمەتتىك احۋالدى ساقتاۋ ماسەلەلەرى تالقىلاندى. جيىن قورىتىندىسى بويىنشا اۋىل تۇرعىندارى الكوگول ونىمدەرىن ساتۋ جانە تۇتىنۋدان باس تارتۋ باستاماسىن ءبىراۋىزدان قولدادى.
ەل تۇرعىندارىنىڭ الكوگولگە جۇمسايتىن شىعىنى 15,2 پايىزعا ازايدى
قياقتى اۋىلىندا 62 ءۇي بار, حالىق سانى – 207 ادام. سوڭعى بەس جىل ىشىندە اۋىل اۋماعىندا بىردە-ءبىر قىلمىس پەن اكىمشىلىك قۇقىقبۇزۋشىلىق تىركەلمەگەنى اتاپ ءوتىلدى.
پوليتسيا قىزمەتكەرلەرى مۇنداي وڭ ناتيجەلەر تۇرعىنداردىڭ اۋىزبىرشىلىگى, اۋىل حالقىنىڭ بەلسەندى ازاماتتىق ۇستانىمى, سونداي-اق جەرگىلىكتى اتقارۋشى ورگانداردىڭ, اقساقالدار كەڭەسى مەن پوليتسيانىڭ بىرلەسكەن پروفيلاكتيكالىق جۇمىسىنىڭ ارقاسىندا مۇمكىن بولىپ وتىرعانىن العا تارتتى.
ستاتيستيكا: ەل تۇرعىندارى تەمەكى مەن الكوگولگە كەتەتىن شىعىندى ازايتقان
بۇگىندە وبلىس بويىنشا 40 ەلدى مەكەن الكوگول ونىمدەرىن تۇتىنۋدان باس تارتۋ باستاماسىن قولدادى. تۇرعىندارى الكوگولدەن باس تارتقان اۋىلداردا تۇرمىستىق جانجالدار مەن قۇقىقبۇزۋشىلىقتار سانى ازايىپ, قوعامدىق ءتارتىپ نىعايىپ, قاۋىپسىزدىك دەڭگەيى ارتىپ كەلەدى.
پوليتسيا قىزمەتكەرلەرى تۇرعىنداردى ءوزارا سىيلاستىقتى, زاڭعا قۇرمەتتى جانە قوعامدىق قاۋىپسىزدىك ماسەلەلەرىنە جاۋاپكەرشىلىكپەن قاراۋ ءداستۇرىن ودان ءارى ساقتاۋعا شاقىردى.