دەنساۋلىق ساقتاۋ ءمينيسترى اقمارال ءالنازاروۆا جۇرگىزۋشىلەردى مەديتسينالىق كۋالاندىرۋ كەزىندە جەكەلەگەن ناركولوگيالىق ورتالىقتاردىڭ تاراپىنان جىبەرىلەتىن زاڭبۇزۋشىلىقتار ماسەلەسى بويىنشا كەڭەس وتكىزدى, دەپ حابارلايدى Egemen.kz
كەڭەس بارىسىندا ازاماتتاردىڭ وتىنىشتەرى, دەپۋتاتتىق ساۋالدار جانە الكوگولدىك ماساڭ كۇيدى انىقتاۋ بويىنشا كۋالاندىرۋ جۇرگىزۋ كەزىندە بەلگىلەنگەن راسىمدەردىڭ ساقتالماۋىنا قاتىستى انىقتالعان فاكتىلەر قارالدى.
مينيستر مەديتسينالىق جانە فارماتسەۆتيكالىق باقىلاۋ كوميتەتىنە قولدانىستاعى ستاندارتتار مەن مەديتسينالىق كۋالاندىرۋ جۇرگىزۋ ءتارتىبىنىڭ ساقتالۋىن تەكسەرۋ ماقساتىندا بارلىق وڭىرلىك ناركولوگيالىق ورتالىقتارعا كەشەندى تەكسەرۋ جۇرگىزۋدى تاپسىردى.
ۆەدومستۆو باسشىسى زاڭبۇزۋشىلىقتار انىقتالعان جاعدايدا ماتەريالدار قولدانىستاعى زاڭنامانىڭ شەڭبەرىندە پروتسەستىك شەشىمدەر قابىلداۋ ءۇشىن قۇقىق قورعاۋ ورگاندارىنا جىبەرىلەتىنىن اتاپ ءوتتى.