«قازگيدرومەت» 2026 جىلعى 24 مامىرعا ارنالعان قازاقستان اۋماعى بويىنشا جالپى اۋا رايى بولجامىن جاريالادى, دەپ حابارلايدى Egemen.kz
سينوپتيكتەردىڭ بولجامىنشا, جەكسەنبى كۇنى قازاقستاننىڭ باسىم بولىگىندە اۋا رايى قۇبىلمالى بولادى: جاڭبىر جاۋىپ, نايزاعاي وينايدى. ەلدىڭ شىعىسىندا تۇندە جاڭبىر مەن قار تۇرىندەگى جاۋىن-شاشىن تۇسسە, كۇندىز نوسەر جاڭبىر كۇتىلەدى.
سونداي-اق ەل اۋماعىندا تۇنگى جانە تاڭعى ساعاتتاردا تۇمان بولجانىپ وتىر.
تۇندە شىعىس قازاقستان وبلىسىنىڭ شىعىسىندا جانە جەتىسۋ وبلىسىنىڭ تاۋلى اۋداندارىندا 1 گرادۋسقا دەيىن ۇسىك جۇرەدى.
اتىراۋ, باتىس قازاقستان, اقتوبە وبلىستارىندا, ۇلىتاۋ وبلىسىندا, ماڭعىستاۋ وبلىسىنىڭ سولتۇستىگى, شىعىسى مەن ورتالىعىندا, قوستاناي وبلىسىنىڭ باتىسى, سولتۇستىك-شىعىسى, وڭتۇستىگى مەن ورتالىعىندا, اقمولا وبلىسىنىڭ باتىسى مەن وڭتۇستىگىندە, سولتۇستىك قازاقستان وبلىسىنىڭ باتىسى مەن شىعىسىندا, پاۆلودار وبلىسىنىڭ وڭتۇستىگىندە, قاراعاندى وبلىسىنىڭ باتىسى مەن شىعىسىندا, تۇركىستان وبلىسىنىڭ سولتۇستىگىندە, قىزىلوردا وبلىسىنىڭ باتىسى مەن ورتالىعىندا, جامبىل وبلىسىنىڭ سولتۇستىگىندە, الماتى وبلىسىندا, شىعىس قازاقستان وبلىسىنىڭ ورتالىعىندا, اباي وبلىسىنىڭ وڭتۇستىگىندە, سونداي-اق جەتىسۋ وبلىسىنىڭ باتىسى, سولتۇستىگى, وڭتۇستىگى مەن ورتالىعىندا ءورت قاۋپى جوعارى بولادى.
ال قىزىلوردا وبلىسىنىڭ وڭتۇستىگى مەن سولتۇستىگىندە, ماڭعىستاۋ وبلىسىنىڭ سولتۇستىك-شىعىسىندا, اقتوبە وبلىسىنىڭ وڭتۇستىگىندە, قاراعاندى وبلىسىنىڭ سولتۇستىگى مەن وڭتۇستىگىندە, پاۆلودار وبلىسىنىڭ شىعىسىندا, جەتىسۋ وبلىسىنىڭ شىعىسىندا, ۇلىتاۋ وبلىسىنىڭ شىعىسى, وڭتۇستىگى مەن ورتالىعىندا, سونداي-اق اباي وبلىسىنىڭ شىعىسىندا توتەنشە ءورت قاۋپى ساقتالادى.