ون ءۇش ساتىعا العا

فيفا ماۋسىم ايىنداعى رەيتينگىسىن جاريالادى. بۇل تىزىمدە قازاقستان ۇلتتىق قۇرا­ماسى 13 ساتىعا كوتەرىلدى. مامىر ايىندا ەلىمىزدىڭ باس كومانداسى 139 ورىندا بولاتىن. ال 3 ماۋسىمدا ەۋروپا چەمپيونا­تى­نىڭ ىرىكتەۋ كەزدەسۋىندە ازەر­باي­جان قۇ­را­ماسىن ءوز الاڭىندا 2:1 ەسەبىمەن جەڭگەن سوڭ, ميروسلاۆ بە­رانەكتىڭ كو­مانداسى 13 سا­تىعا كو­تەرىلىپ, 126 ورىنعا ور­نا­لاستى. ءبىر ويىن ارقى­لى بىردەن 13 ساتىعا كو­تەرىلۋ قازاق­ستان ءۇشىن جامان ەمەس. ەندى قىر­كۇيەكتە ءتۇر­كيامەن كەزدەسەمىز. ودان كەيىن اۆستريانى قا­بىل­داي­مىز. ازىرشە ءبىزدىڭ قۇراما ا تو­بىن­دا ەڭ سوڭعى ورىندا تۇر. ءبىزدىڭ توپتاعى گەرمانيا فيفا رەيتينگىسىندە 3-ءشى, تۇركيا 23-ءشى, بەلگيا 35-ءشى, اۆستريا 65-ءشى, ازەر­بايجان 112-ءشى ورىندا. ال حالىقارالىق فۋتبول قاۋىم­داستىعىنىڭ  تىزىمىندە ال­عاش­قى ون­دىق­تا مىنا ەلدەردىڭ قۇرامالارى ور­نالاسقان. 1. يسپانيا, 2. گوللانديا, 3. گەرمانيا, 4. انگليا, 5. برازي­ليا, 6. يتاليا, 7. پورتۋگاليا, 8. حورۆاتيا, 9. مەكسيكا, 10. ارگەنتينا. ولاردان كەيىن ازيا ەلدەرى ىشىندە ەڭ مىقتى سانالاتىن جاپونيا كومانداسى 13 ورىنعا شىق­سا, 1998 جىلعى الەم جانە 2000 جىلعى ەۋروپا چەمپيونى فرانتسيا 15-ءشى ورىنعا ورنالاسقان. وسى ايدا بەلارۋس قۇراماسى 40-شى ورىنعا كوتەرىلىپ, 42-ءشى ساتىداعى ۋكراينا كومانداسىنان وزىپ كەتتى. زيمبابۆە ماۋسىم ايىنىڭ ەڭ ۇزدىك قۇراماسى بولىپ شىقتى. افريكا ەلى وسى ايدا بىردەن 39 ساتىعا كوتەرىلسە, ليحتەنشتەين 33, ليبەريا 32, كومور ارالدارى 24, جاقىن­دا عانا كونكاكاف كۋبوگىن يەلەنگەن مەكسيكا 19, يامايكا مەن زامبيا 17, پاناما 15 ساتىعا جاع­دايىن جاقسارتىپ الدى. ال ماۋسىم ايىنىڭ ەڭ ءالسىز كومانداسى 37 ساتىعا تومەن ءتۇسىپ قالعان جاڭا زەلانديا بولدى. داستان كەنجالين.