شاكىرتاقى يەگەرلەرى باس قوستى

بۇرناعى كۇنى «دۋمان» قوناق ءۇي­ىندە «KAZENERGY» اعارتۋ­شى­لىق باعدار­لاماسى ستيپەن­دي­ات­­تارى­نىڭ جيىنى ءوتتى. ءداستۇر بوي­ىنشا, اعارتۋشىلىق باعدار­لا­ما­نىڭ ءۇز­دىك تۇلەكتەرىمەن «KAZ­EN­ER­GY» قاۋ­ىمداستىعىنىڭ ءتور­اعاسى تي­مۋر ق ۇلىباەۆ كەزدەسىپ, اتالمىش باعدار­لا­مانىڭ تۇلەكتە­رىنىڭ ەلدىڭ مۇناي-گاز سالاسىن دا­مىتۋعا ەلەۋلى ۇلەس قوسا بەرەرىنە سەنىمىن ءبىلدىردى. «سوڭعى بەس جىل ىشىندە «KAZ­EN­ERGY» اعارتۋشىلىق باعدار­لا­ماسىنىڭ اياسىندا 500 جاس ما­ماندىق الىپ شىقتى, سولاردىڭ ءبىرازىن بۇگىن وسى جەردەن كورىپ تۇرمىن. وسى ۋاقىت ارالىعىندا قاۋىمداستىقتىڭ جاستار كوميتەتى قۇرى­لىپ, كوميتەت حالىقارالىق ارەنادا ءوزىن كورسەتە ءبىلدى. ءتىپتى, ءبىزدىڭ ءبىر تۇلەگىمىز قازىر دۇنيە­جۇزىلىك مۇناي كەڭەسىنىڭ جاستار كوميتەتىنە مۇشە. قازىر ءبىز باكالاۆر دارەجەسىنە ءبىلىم الىپ جاتقان جاستاردى عانا ەمەس, ما­گيسترانتتاردى دا قولداپ وتىرمىز. ياعني, ءبىلىم بەرۋ ءۇردى­سى­نىڭ ماڭىزدى ساتىلارىن تۇگەل قام­تىدىق. ال, جاس ماماندار ءبىلىم ورداسىندا العان ءتالىم-ءتار­بيەسىن مەملە­كەتتىڭ يگىلىگىنە جا­را­تۋى ءۇشىن قاۋىم­داستىق ولار­دىڭ جۇمىسقا ورنالاسۋىنا دا قولعابىس ەتەدى», – دەدى تيمۋر قۇ­لىباەۆ. «KAZENERGY» قاۋىمداس­تى­عى­نىڭ اعارتۋشىلىق باعدارلا­ما­سىن جۇزەگە اسىرىپ وتىرعانىنا بەس جىلدىڭ ءجۇزى بولىپتى. بۇل باعدارلاما ءبىلىم بەرۋ ءجا­نە مامان دايارلاۋ جونىندەگى ۇيلەستىرۋ كەڭەسىنىڭ شەشىمىمەن بىلىكتى ماماندار دايارلاۋ ماسەلەلەرىن شەشۋ ءۇشىن, دا­رىن­دى جاستاردى بىرلەسكەن جوبالارعا تارتۋدا جانە «KAZENERGY» شاكىرتاقىسى يە­گەر­لەرى-تۇلەكتەرى اراسىنان ماماندار رەزەرۆىن قالىپتاستىرۋ ءۇشىن قاۋىم­داس­تىققا مۇشەلىك ەتە­تىن كومپانيالاردىڭ كۇشتەرى مەن مۇمكىندىكتەرىن بىرىكتىرۋ ماق­ساتىندا قۇرىلعان. ءابدىراحمان قىدىربەك, استانا.