ماڭعىستاۋ وبلىسىنىڭ ءبىلىم سالاسىنىڭ جەتىستىكتەرى ءجيى ايتىلىپ كەلەدى. ارينە, ايتىلۋعا لايىق بولعان سوڭ ايتىلادى. ولاي دەيتىنىمىز, وسىدان بەس جىل بۇرىن رەسپۋبليكا بويىنشا ۇلتتىق بىرىڭعاي تەستىلەۋ قورىتىندىسىندا سوڭعى ورىنداعى وبلىس ءۇش جىلدان بەرى كوش باستاپ كەلەدى. سوڭعى بەس جىلدا «التىن بەلگى» يەلەرىنىڭ قاتارى 6 ەسە ءوستى. بىلتىر 54 وقۋشى «التىن بەلگىگە» يە بولسا, ول كورسەتكىش وسى جىلى 71-گە جەتىپ وتىر. بيىل ەل تاۋەلسىزدىگىنىڭ 20 جىلدىعىنا ءوز بىلىمدەرىن شاشۋ ەتكەن ۇل-قىزدارىمىزدىڭ قۋانىشىندا شەك بولمادى. ەرەكشە ۇيىمداستىرىلعان سالتاناتقا الىستان ارنايى كەلگەن الاشتىڭ ارداقتىلارى قازاقستاننىڭ ەڭبەك ەرى ءابىش كەكىلباي ۇلى, ايگىلى اكادەميكتەر سالىق زيمانوۆ, تورەگەلدى شارمانوۆ, كامال ورمانتاەۆ, راقىمجان ەلەشەۆ بىلىمپازدارعا «التىن بەلگى» مەن سىي-سىياپاتتارىن تاپسىرىپ, اق باتالارىن بەردى. ال وبلىس اكىمى قىرىمبەك كوشەرباەۆ 125 ۇپاي جيناپ, ايماقتا ەڭ ۇزدىك كورسەتكىشكە جەتكەن اقتاۋداعى ەكونوميكالىق ليتسەيدىڭ وقۋشىسى گ.جارىلعاپقىزىنا ارنايى سىي-قۇرمەت كورسەتتى.
جولامان بوشالاق,
ماڭعىستاۋ وبلىسى.