جاڭا سپورت سارايى سالىنادى

جامبىل وبلىسىنىڭ ورتالىعى – تاراز قالاسى سوڭعى جىلدارى وڭ­تۇستىك-باتىس ايماققا قاراي قۇلاش جايىپ, كەمەلدەنە كوركەيىپ كەلەدى. مىسالى, بۇگىندە بۇل ماڭايدا «كوك­تەم», «اراي» سياقتى جەكە ۇيلەر اي­ماعىمەن بىرگە, كوپ قاباتتى تۇرعىن ۇيلەردەن تۇراتىن «بايتەرەك» شا­عىن اۋدانى, بىرنەشە ساۋدا كەشەندەرى بار. قالا تۇرعىندارىن جۇمىس ورىن­دارىمەن قامتاماسىز ەتەتىن جا­ڭا كاسىپورىندار دا كوپتەپ سالى­نۋ­د­ا. مىنە, ەندى وسى ارادان الداعى ۋاقىت­تا سپورت سارايىنىڭ ءزاۋلىم عيماراتى بوي كوتەرمەك. جاقىندا ونىڭ ىرگە­تاسى قا­لانىپ, وعان وسى يگىلىكتى ىسكە ۇيىت­قى بولىپ جۇرگەن وبلىس اكىمى قانات بوزىمباەۆ قاتىستى. جاڭا قۇرىلىس نىسانىنا وب­لىس اكىمدىگىنىڭ قۇرىلىس, جولاۋ­شى­لار كولىگى جانە اۆتوموبيل جولدارى باسقارماسى تاپسىرىس بەرىپتى. باس جوباشى بولىپ «ور­تا­لىق ازيا جو­بالاۋ-قۇرىلىس كوم­پانياسى»  جشس بەكىتىلگەن. جوبانىڭ سمەتا­لىق قۇ­نى 4 ملرد. 876,2 ملن. تەڭگەنى قۇ­راي­دى. ونىڭ ىشىندە قۇرىلىس-مون­تاج جۇ­مىس­تارىنا  3 ملرد. 677 ملن. تەڭگە جۇم­سالسا, جابدىق­تارى­نا – 477,6 ملن. تەڭگە جۇمسالاتىن بولىپ وتىر. سپورت سارايى بوي كوتەرەتىن جەر­دىڭ كولەمى 7,727 گەكتار جەردى الىپ جاتىر. وندا جالپى دەنە شى­ن­ىق­تى­رۋ جانە اتلەتيكا دايىن­دىعى, سپورت­تىق-باللدىق بي, سپورت ويىن­دارى: ۆولەيبول, باسكەتبول, ميني-فۋتبول, تەننيس, سپورتتىق باسسەين, ونىڭ ىشىندە باسكەتبولعا ارنالعان اۋى­سىمىنا 24 ادامدىق زال, ۆولەي­بولعا ارنالعان سونداي 24 ادامدىق زال, قول دوبىنا ارنالعان 24 ادام­دىق زال, ميني-فۋت­بولعا ارنالعان اۋىسىمىنا 24 ادام­دىق زال, بوكسقا ارنالعان اۋىسىمىنا 25 ادامدىق زال, كلاسسي­كالىق جانە ەركىن كۇرەس­كە ارنالعان اۋىسىمىنا 24 ادامدىق زال, دزيۋدو جانە سامبوعا ارنالعان اۋىسىمىنا 30 ادامدىق زال, تاەكۆون­دوعا ارنالعان اۋىسى­مىنا 30 ادامدىق زال, اۋىر اتلەتيكاعا ارنال­عان اۋىسىمىنا 11 ادامدىق زال, ۇستەل تەننيسىنە ارنال­عان اۋى­سى­مىنا 12 ادامدىق زال, سپورت­تىق-باللدىق بيگە ارنالعان اۋى­سىمىنا 100 ادام­دىق  زال, تير سپورتىنا ار­نالعان اۋىسى­مىنا 10 ادامعا ارنال­عان زال بار. سپورت سارايىنا كەلۋشىلەردى ءدامدى, قۇنارلى تاعاممەن قامتا­ماسىز ەتۋ ءۇشىن 2 قوعامدىق تا­ماق­تاندىرۋ ورنى جۇمىس ىستەيتىن بولادى. ونىڭ بىرەۋى – 120, ەكىنشىسى – 110 ادامعا ارنالعان. تاراز قالاسىندا تۇڭعىش رەت بوي كوتەرگەلى وتىرعان سپورت سارايى وڭىردەگى سپورتتىق وقۋ-جاتتىعۋ جۇمىستارىنىڭ ساپاسىن ارتتىرىپ, وبلىس سپورتشىلارىن الەمدىك بيىكتەرگە جاڭا قىرىنان تانىتا باستايدى دەگەن ءۇمىت بار. سپورت سارايىنىڭ قۇرىلىس جۇمى­سى 2013 جىلى اياقتالادى دەپ كۇتىلۋدە. كوسەمالى ساتتىباي ۇلى, جامبىل وبلىسى.